San Marcos 7:37 - Diosichi Pila

³⁷ Junni tsachilari junca meráto o quirato, duque wepanalainue. Junto itsantilatinue: —Ticatiya sequesiri quimin joe tilatinue. Seque patumin jominlaca manpasa carimin joe tilatinue. Junsi merátumin jominlaca manmerása carimin joe tilatinue.

San Marcos 7:37 ပူးပေါင်းရင်းမြစ်များ

San Mateo 9:32

Yala manlolaichinasa, manca tsachicaman Jesúchica tanjalaie. Yucanchi oco yachibi wica joto, yaca patumin suwaca jominue.

San Marcos 1:27

Junni aman tsannunca quirato, piyanlela wepanato, yala tala tenpato quiranaminlanue. ¿Niyan quinan? latinue. Uyan quiraquesiri micarimin joe. Yari casan tala micarimin joe. Ya Jesuri yucanchi ocolacatiya mantánan, meráminla joe latinue.

San Marcos 2:12

Jesús tsantinunsi, quiyanpun jomin tsachiri mancupato, jalica mancato, tamochi nechi jeralelachi cale loto manjinue. Piyanlela wepanato quiranaminlanue. Junni aman piyanlela Diosica duque seque pato itsanlatinue: —Itsanquinuncari numatotiya quiratumin jominlayoe tilatinue.

San Marcos 4:41

Junni yalari duque wepananato, Jesuca itsanticaalaquinue: —¿Inni ti tsachi junhun? tilatinue. Yacari wunan, wa pipilunan meráminla joe tilatinue.

San Marcos 5:42

Jun tsantinunsileri ya nari manwiruito mannenanue. Aman chunca palu wata tan jominue. Junni junca quiraminlari duque wepanalainue.

San Marcos 6:51

Junni Jesús canoabi winunsi. duque wu quinaminnan mandeinue. Junni yalari junca duque wepanalainue.

San Marcos 7:36

Aman junni Jesuri yalabe pato, junca mobenantiya patusa mantanue. Juntonan tsanque duque mantaca josanan, yalari fécari duque cuenta quinilaquinue.

San Marcos 8:1

Aman jun malate duque tsachila Jesuca meráchun layailainue. Junto yalari tinantiya ano fino itominlanue. Junni aman Jesuri yabe penenaminlaca jasa tito itsantinue:

San Lucas 23:41

Tsannan chiquilari puyanola joyoda. Criminalila joto, puyanola joyoe. Ya Jesús mantimini ti culpanantiya itotonan, tsanhinae tinue.

Mantá Tanla 14:11

Aman duque tsachila Pablo tsanquinanunca quiralaquinue. Junto yalari Lacaonia to fiquichi pato, itsantilatinue: —Diosila tsachilanan quiran ito, chiquilachica patacala joe latinue.