San Marcos 7:28 - Diosichi Pila

²⁸ Junni ya sonari Jesube manpato itsantinue: —Miya, nuri tsa tie tinue. Juntonan susunan mesa tenpe tsoto, nalala ano nasi nacá aralenacaca layato fimanhe tinue. Junto chiquecanan nasi nacá ayudaide! tinue.

San Marcos 7:28 ပူးပေါင်းရင်းမြစ်များ

San Mateo 15:27

Junni sonari itsantie: —Miya, nuri tsa tie tie. Tsan josanan nalalachi ano nasi nacá tobi darapatinaminca susunan fimanhe. Junni chiquecanan nasi nacá ayudaide! tie.

San Mateo 5:45

Tsanlaquitori nula Diosichi nalala jolajochunae tie. Nulachi Apa Diosiri jeralelabe sen joe. Yari jamochi chuto, senlachi tenchinan, seitonlachi tenchinan, pata quisa carimin joe. Seque nenaminlachi tenchinan, seitonque nenaminlachi tenchinan suwa quisa carimin joe tie.

San Marcos 7:27

Junni Jesuri ya sonabe itsantinue: —Casaleri israelítalachi tenchi quino joyoe tinue. Yalari Diosichi nalala cuwenta jolajoe. Junni nuchi tenchi casale quitori, nalalachi anoca josoleto susuchi cuwamin cuwenta joichunae tinue. Tsantuntsan joe tinue.

San Marcos 7:29

Junni Jesuri itsantinue: —Nu tsarasica pae. Manjiniide! tinue. Nuchi namachibi nechi yucanchi oco manloca joe tinue.

Románolachi 10:12

Junni Diosiberi israelítalanan, israelita itonlanan, jun tsannan jolajoe. Ya Miya joto, jeralelachi Miya joe. Junni jerale yabe rocaiminlaberi sen joe.

Románolachi 3:29

¿Diosi israelítalachisiri Diosi jun? ¿O jeralelachi Diosi jotun? Jeralelachi Diosi joe.

Efesolachi 3:8

Jerale Diosichi tsachilale nechi la fe epe tsachi jonun cuwenta joyoe. Tsan jomincanan laca duque laquirato in mantaca cuwae yape israelita itonlaca micarisa. Lari Cristo miratuno quiracari sen joeque micarino joyoe.