San Marcos 7:21 - Diosichi Pila

²¹ Tsachichi tencabi nechiri titiya seiton lochunae. Seitonque tenca cano, uyan sonalabe o uyan unilalabe nosa seitonque nenano, toteno,

San Marcos 7:21 ပူးပေါင်းရင်းမြစ်များ

San Mateo 15:19

Tsachilachi tencabi nechiri titiya seiton lochunae tie. Seitonque tenca can, tsachilaca toten, uyan sonalabe o uyan unilalabe nosa seitonque nenan, tarinquin, nene pan, yucacuran, quilaquichunae tie.

San Mateo 9:4

Junni Jesuri yalachi tencaca miito itsantinue: —¿Nulari niya jonan nulachi tencabi seitonque tenca calaquinayun? tinue.

San Marcos 7:20

Junsi aman itsantinue: —Tsachichibi nechi lominni, ya seiton suwachunae tinue.

San Marcos 7:22

tarinno, titiya uyanla tanunca munaito quirano, uyanlaca seiton quino, nene pano, seiton quino, uyanla tanun tenchi pa nenano, uyanlaca epele pano, uyanlaca fe joyoe tino, junsi tenca iton jono, yalasiri duque seiton suwano joe tiyoe tinue.

San Lucas 16:15

Junni Jesús yalabe itsantinue: —Nulari duque tenfeminlae yape uyan tsachila nulaca sen jolajoe tilatisa. Aman nulachi tencabi mantimini Diosi mirae tinue. Tsachila duque sen joe tinunca Diosi ti quiran seiton joe timin joe tinue. Jesús tsanque micarinue.

Mantá Tanla 5:4

Ya toca caosituminnan, nu tsacumin jominue. Aman ositobinan, nunan calaca tsacumin jominue. ¿Junni ti quichun nene pano tenhiyun? Nuri tsachilaberi nene patue; Diosibenan nene pae tinue.

Mantá Tanla 8:22

Junni in jutsaca telaquepoto, casan tala tenca mancade! tinue. Junsi Diosibe rocaide! Pansile seitonque tenca cananunca perdonaichunae tinue.

Románolachi 7:5

Casaleri chiquilachi tenca munate nenamin jominlayoe. Juntonan Diosichi mantá pila chutecabi paca jominhe jutsa quilaquitunaque. Junni jun mantabi Jutsa quilaquituna! tica jonun tenchi, nantanancari jutsa quimin jominlayoe. Jerale tsanque nenaminla puyalaichunae. Aman jutsabe mantaito, doraminla cuwenta jominlayoe. Jutsari chiquilaca mantánan, seiton quimin jominlayoe. Junni jun mantá tenchi doraminla cuwenta jominnan, amanari manloca cuwenta jolajoyoe. Puyaca cuwenta icalayoe jutsa manquituchun. Matu mantabi chutecabe culpa itoto, casan tala nenalarayoe Diosichi Tencabe nenato.

Románolachi 7:8

Tsan josanan, lachi tenca jutsa pun joe. Jun tenchi uyanlachi ti jonuncatiya munaito quiratunaque mantaca jonan, uyanlachi ti jonuncatiya nantanancari munaito quiraniquiyoe. Jutsa quitusa mantá itonari, jutsacanan tenhitumin jocaichunae.

Colósalachi 3:5

Puyacalari wari jutsa quituminla joe. Junni nulanan puyacala cuwenta jotori, Diosichi itonlachi mite nenanoca telaquepolaquede! Uyan sonalabe o uyan unilalabe nosa seitonque nenalaratuna! Sonalaca seitonque munaito quiralaquituna! Cano itonunca cachi titulajona! Uyanlachica munaito quiralaquituna! Uyanlachica munaito quiraminlari seiton jolajoe diosi joe tinun moldechi cale telenhiminla cuwenta.

Títochi 3:3

Chiquilanan matute tenca iton jominlayoe. Uyanla cuwenta merátuchi timinla joto, encanaito nenamin jominlayoe. Chiquilanan tenca munate nenaminla joto, seiton quimin jominlayoe. Uyanla tanunca muna timin jominlayoe. Uyanlanan chiquilaca pa jominlae. Chiquila talanan pataamin jominlayoe.

Santiago 2:4

Tsanlatitori, nula seitonque tenca caminla jochunae. Weyanlaca cala tannun tenchiri sen jolajoe timinla jochunae; weyanlaca cala itonun tenchiri seiton jolajoe timinla jochunae.