San Marcos 7:15 - Diosichi Pila

¹⁵ Tinantiya tsachilachibi urachi nechi wiminni seiton suwatuchunae tinue. Tsachilachi tencabi nechi lomin, ya seiton suwachunae tinue.

San Marcos 7:15 ပူးပေါင်းရင်းမြစ်များ

San Mateo 12:34

Junni lanan, nulanan, weyan tsachilanan jun puca pele cuwenta jolajoichunae tie. Sen tenca tanlari seque paminla jocaichunae. Junni nulari ti quiran pini cuwenta joto, natiya seque pano podeilaituchunae. Tsachilachi tencabi tanunca yalachi fiqui forochi paminla joichunae tie.

San Mateo 15:16

Junni Jesús itsantie: —¿Nulanan caentendeilaitiyun? tie.

San Marcos 7:14

Junni Jesuri tsachilaca jera layasuwato itsantinue: —Jeralelanan seque meráto entendeilaide! tinue.

San Marcos 7:16

Nulari punqui chunla jotori, seque meralaquede! tinue.

Mantá Tanla 10:28

Junni Pedro yalabe itsantinue: —Nulari israelítala itotonan, israelítalaca miralarae tinue. Chiquilachi mite israelita itonlabe natiya penenano itolajoyoe. Israelita itonlachi yabi winotiya itolajoyoe tinue. Tsan josanan Diosi laca uyan quiraque manmicaricae tinue. Amana mirayoe tinue. Uyan tsachilaca nin epe joe nin chiran joe tituntsan joe tinue. Diosi ya cuwaca animalilaca chiran titude! tinato, laca micarie tinue yachi tsachilacanan chiran tituntsan joeque.

Románolachi 14:17

Junni nula Diosi mantananun tsachi bolonbi pewito, ticatiya finoca o cuchinoca tenca cachun pewilaitunue. Diosichi Tencabe sen ichun, wepanatuto pansi chuchun, son jochun, Diosi mantananun tsachi bolonbi pewilainue.

1 Coríntolachi 10:25

Itsanque jochunae. Diosichi Pilabi itsanque chuteca joe: Jerale tori Diosichi joe; jerale tote titiya finuncatiya Diosichi joeque chuteca joe. Jun tenchi mercadobi titiya osinanuncatiya canilaquina! In finunla tenchi culpa inoca tenca catuminnan canilaquina!

Títochi 1:15

Sen tenca tanlari ti anocatiya fitotiya, tenca seiton ituchunae. Seiton tenca tanla mantimini fitunun anoca fitulajototiya, tencari seitonnan cajochunae. Yalari quereituto seiton tenca joto, ti sen jonunca tuino podeilaitue.

Israelítalachi 13:9

Junni uyan quiraque palaque palaquinari, yalabe tina encanaitulajona! Weyanlari itsantiminla joe: Sen tenca ichun weyan weyan anoca fituntsan joe timinla joe. Juntonan tsantiminlachi tencanan natiya seica itolajoe. Chiquilari Diosichi sonbaberi sen tenca inola joyoe. Diosiri chiquilaca laquirato, sen tenca suwachunae.

Israelítalachi 9:10

Jamoleri casimin jominlanue. Ticatiya fitusa, ticatiya cuchitusa, pibi tsalaisa, tsanqueri mantamin jominlanue. Tsanminlari pucacasiri casinaminlanue. Tencacari casitumin jominlanue. Diosinan tsanquisa mantá cuwaca joto, casan tratoca manquino fecáriri tsanque mantaca jominue.