San Marcos 6:3 - Diosichi Pila

³ ¿Yari carpintero jotun Maríachi nao? Junsi yachi acolari chiquilachi quelote chularae Jacobo, José, Judas, junsi Simón. Yalanan yalachi soquilanan intele chularae tilatinue. Junto Jesuca quereituchi tito, pailainue.

San Marcos 6:3 ပူးပေါင်းရင်းမြစ်များ

San Mateo 11:6

Laca palaque tenca catuminla pansi jolajochunae tinae tilatina! tinue.

San Mateo 12:46

Jesús yalabe cacuenta quinasanan, yachi ayanbe yachi acolabe jalaie. Urachi raminlanue yabe cuenta quechique.

San Marcos 15:40

Junni aman sonalanan jabile nechi pequiranaminlanue. María Magdalena, Salomé, manca María jominlanue. Ya María Josechi ayan, junsi nalalan Jacóbochi ayan jominue.

San Marcos 3:18

Junsi Andrés, Felipe, Bartolomé, Mateo, Tomás, manca Jacobo jominlanue. Ya Jacobo Alféochi nao jominue. Junsi Tadéobe manca Simonbe jominlanue. Ya Simón cananita tinun bolonbi pejomin jominue.

San Lucas 2:34

Junni Simeón yalacanan seque pato, ya nachi ayan Maríabe itsantinue: —Meráde! tinue. In na tenchi duque israelítala epe tsachi ilaichunae. Uyanla ya tenchi fécari sen ilaichunae tinue. Layanla yabe miituchi tito, duque seitonque palaquichunae tinue.

San Lucas 7:23

Junni Juanbe junca cuenta quito itsanlatina! tinue. Laca tennanoca peleituna! tinae tilatina! tinue. Laca palaque tenca catuminla pansi jolajochunae tinae tilatina! tinue.

San Lucas 8:20

Junni tsachi manca Jesube itsantinue: —Nuchi ayan, nuchi acola urachi wiruralarae tinue nube cuenta quechique.

San Juan 14:22

Junni manca Judas jominhe; Judas Iscariote itominhe. Yari Jesube itsanque panhae: —Miya tie. ¿Niya jonan piyanle tsachilabe quiraituchun? tie. ¿Niyaito chiquilaberi quiraichun? tie.

San Juan 6:42

¿Inni Jesuri jotun? latie. ¿Yachi apa Joseri tinun jotun? latie. Yachi apabe ayanbeca quiraminlayoe. ¿Aman niyaito Diosichibi nechi patacayoe tin tinan? tilatie.

Mantá Tanla 1:13

Junni aman Jerusalenbi manfato, yala chunun tamochinan manwilainue jamobi tamochi. Chunca manca Crístochi mantá tanla junte chuminlanue Pedro, Jacobo, Juan, Andrés, Felipe, Tomás, Bartolomé, Mateo, Jacobo, Simón Zelote, Judas. Aman manca Jacobo Alféochi nao jominue. Aman Judas Jacóbochi aco jominue.

Mantá Tanla 12:17

Junni Pedro tedechi nosaide! quito, jera cuenta manpolarinue Miya Diosi yaca donun yabi nechi manse larieque. Junni Jacóbobenan, Jesuchi uyan tsachilabenan in cuentaca jera manpolaride! tisi, Pedro junchi nechi manjito uyanchi manjinue.

1 Coríntolachi 1:23

Chiquila mantimini micarinato, Cristo corosibi puyaca jonunca micariminlayoe. Junni israelítala jun fiquicari merátori, natiya cayaituchi timinla joe. ¿Ti quira corosibi puyaminbe cayaino jocaichinan? tito cayaituchi timinla joe. Israelita itonla mantimini chiquilachi fiquica meráto, yalanan cayaituchi timinla joe. Ya micaya fiqui itoe tito cayaituchi timinla joe.

1 Coríntolachi 9:4

Uyan Crístochi mantá tanlari tiletiya nenato, yalachi sonalabenan jiminla joe. Pédronan, Miya Jesuchi acolanan tsanque nenano mantá talarae. ¿Junni lanan tsanque Crístobe penenamin sonaca cano mantá itono jowan? ¿La micarinunlari ano ticatiya lachi cuwano jotun?

Galácialachi 1:19

Jacóbocanan moora quirayoe Miya Jesuchi acoca. Uyan Crístochi mantá tanlacari quiratiyoe.

1 Pédrochi 2:4

Jesucrístobe cayaicala joto, Diosi chunun ya cuwenta jolajochunae. Diosichi Pilabi matu tote Jesucrístoca itsanque pato pila chuteca joe: Quiralaquede! Diosiri israelítalachibi ya quichun su cuwenta tsoreno joyoe tie tinue. Diosi jun suca duque mica sen su jochunae tie tinue. Jun suca tsorechun wentecayoe tie tinue. Junto ya quichun fécari munaranun su cuwenta jochunae tie tinue. Junni Diosi tsanque suca cuenta quinato, Crístoca tsantinaminue. Yari son su cuwenta joe. Jun tenchi Diosichi Pilabi itsanquenan chuteca joe: Yabe cayaiminlari lu tituminla jochunaeque chuteca joe. Nulari yabe cayaicala joto, yasiri duque sen joe timinla jochunae. Uyanla mantimini Jesucrístoca quereituto, yaca telaquepolaquinue. Jun tenchi Diosichi Pilabi Jesucrístoca su tito itsanque chuteca joe: Suca ya quiminlari jun suca quirato, seitoe tito, telaquepolaquichunaeque chuteca joe. Tsan josanan, ya quichun fécari munaranun su cuwenta jochunaeque chuteca joe. Junni suca telaqueponun cuwenta Jesucrístoca quereituto munaratiyoe latie. Tsan josanan Diosiri Jesucrístoca wenteto, tsara sen joe tinue. Diosichi Pilabi chuteca jominue yalari quereituminla jochunaeque. Itsantinue: Jun suri quepoisa carimin su jochunae tinue yape quepoilaisa. Junni Diosichi Pilaca merátuto quepoiminlae. Matute tsanhichunae tica josa, jun tsanquenan patinue. Junni nulanan son su cuwenta jonola joe. Aman jana suca ya quinun joe. Junni nulanan layaito, Diosichi ya cuwenta jolajochunae yape nulachibi chusa. Junni man talaman cuenta quilaquisa! Diosi nulaca yachi sen patelela suwanue. Patelelari Diosica se tito, yachi ticatiya epe cuwaminla joe. Aman nulari jeralela patelela joto, nulachi tencacanan Diosichi cuwalaquichunae. Jesucrístochi mantate tsanque cuwanari, Diosi se joe tichunae.

Judas 1:1

La Judas, Jacóbochi aco, in pilaca chutenayoe. Jesucrístobe mantaimin joto, in pilaca nulachica erechun quinayoe. Apa Diosiri nulaca laquirato, yabe cayaisa tica joe yape yachi tsachila jolajosa. Junni Jesucristo nulaca seque cuidainae yape Diosibe seque penenalarasa.