San Marcos 5:40 - Diosichi Pila

⁴⁰ Junni belainaminlari miraminlanue tsa puyaca joeque. Jun tenchi Jesuchi fiquica meráto, cacarilaquinue. Junni aman Jesuri ya tsachilaca jera urachi larinue. Junsi ya nachi apabe ayanbeca, junsi Jesuchi pemanca tsachilacari, ya na tsonun tamochi petanwinue.

San Marcos 5:40 ပူးပေါင်းရင်းမြစ်များ

San Mateo 15:11

Seiton anoca finatonan, seiton tenca ilaituchunae. Seiton fiqui mantimini, ya fiqui forobi nechi lanato, tencaca seiton suwachunae.

San Mateo 7:6

Junsi Jesús itsantie: —Diosichi jonuncari susuchi cuwatuntsan jochunae. Susuri tenhituchunae tie sen joeque. Junni susu tenca itoto, ya cuwamincanan paito jalichi tichunae tie. Junsi cuchinan tenca iton jochunae tie. Junni cuchichi cale mica winca quepolaquinari, mica joeque tenhituto pipabi tereniquichunae tie. Aman seiton tsachilanan jun tsanquenan tenhituminla jochunae tie. Diosichi sen cosaca sen joeque tenhilaituchunae tie. Jesús tsanque micarie.

San Marcos 5:39

Aman junni Jesúlari tamochi wito, belainaminlaberi itsantinue: —¿Ti quichun nulari tsancari wareto atito firara tilatinayun? Ya na puyaca itoe. Catson tson rae tinue.

San Marcos 5:41

Junsi ya puyaca jun náca tedele cato, israelítalachi fiquichi pato itsantinue: —Talita cumi tinue. Tsanque patori, nama, nuca manwiruide! tiyoe tinue.

San Lucas 16:14

Junni fariséolari calaca duque munapunla joto, Jesuchi fiquica cacarito meralaquinue.

Mantá Tanla 17:32

Junni puyato mansonhinue tinunca merasi, weyanlari lucarilaquinue. Aman weyanla mantimini man nete manan manmeráno muquee tilatinue.