San Marcos 5:23 - Diosichi Pila

²³ itsanque pato duque rocainue: —Lachi namari puyachinae. Nuri yaca tedechi tale quito manse suwabi jisa! tinue yape manseito mansonnasa.

San Marcos 5:23 ပူးပေါင်းရင်းမြစ်များ

San Mateo 8:3

Jesuri junca meráto, yaca tedechi tale quito itsantie: —Munarato, nuca tsaina manse suwanayoe tie. Junni Jesús tsantinunsile, lepra bichi jera manseiniie.

San Marcos 16:18

Pini jalinasatiya, o beneno cuchitotiya, padeseitulajochunae tinue. Quiyanpunlacanan tedechi tale quito manse suwalaquichunae tinue.

San Marcos 5:24

Junni Jesuri ya Jáirobe pejinasa, duque tsachila pejinaminlanue. Duque dilapun jominue.

San Marcos 6:13

Junsi duque yucanchi ocolaca mansularilaquinue. Junsi duque quiyanpunlachibi aseite ilipoto manse suwalaquinue.

San Marcos 7:32

Junni junte aman tsachi manca merátumin, junsi fiqui seque patumin, jominue. Yaca tanjato Jesube itsanque rocailainue: —In tsachica nuchi tedechi tale quito, manse suwade! tilatinue.

San Marcos 8:23

Junni Jesuri ya quirano podeiton tsachica tedele cato, pueblo dechi tanjito, junsi cacabi pipi ilipoto, tedechi tale quesi, aman panhanue: —¿Tsa nasi manquirano podeinayun? tinue.

San Lucas 13:13

Junto yaca tedechi tale quinunsi, betende manseinue. Junsi ya sonari manseicayoe tito, Diosica duque se tinue.

San Lucas 4:38

Junni Jesús Diosichi fiqui miinun yabi nechi loto, Simón Pédrochica jito tamochi winue. Aman junni Simonchi sonachi ayan wa cupara tan tsominue. Junni junca Jesube rocailainue.

San Lucas 4:40

Junni aman yo winunsi, jerale quiyanpunlachi amicola, o familiala, ya quiyanpunlaca Jesúchica tanjalainue yape manse suwasa. Junni jeralelaca tedechi tale quito manse suwanue.

San Lucas 7:12

Jun pueblobi wilaichinasa, puyacaca menabi tanjinaminlanue. Ya puyacachi ayan biuda jominue. Ya tsachiri yachi mancari nao jominue. Junni jun pueblobi chuminla layanla yaca menabi pejinaminlanue.

San Juan 11:3

Junni Lázaro quiyanpun josa, yachi soquila Jesúchica fiqui erelaquinue yachi amico quiyanpun joeque.

Mantá Tanla 28:8

Junnasa Públiochi apari cuparabe pe quiyanbe tato, quiyanpun tsominue. Junni Páblori quiyanpunca quirabi jito, tedechi tale quito, Diosibe rocainan manseie.

Mantá Tanla 6:6

Junni yalaca jera wenteto, Crístochi mantá tanlachica tanjalainue. Junni Crístochi mantá tanlari Diosibe rocaito, tedechi tale quito, mantá cuwalaquinue.

Mantá Tanla 8:17

Junnan Pédrobe Juanbe Jesuchi tsachilaca tedechi tale quilaquinue. Junni tsanquinan Diosichi Tenca yalachibi winue.

Mantá Tanla 9:12

Junni Sáulonan labe rocainasa, yachinan quirajaca joe tinue. Yachi quirajanasa, nuca janaminca quiraca joe. Nu yaca tedechi tale quebi janaminca quiraca joe tinue. Junni nu yaca tale quinunsi, Saulo manquirano podeichunae tinue. Sáulochi tsanque quirajaca joe tinue.

Mantá Tanla 9:17

Junni Jesucristo tsantinunsi, Ananíari Júdachi yaca jinue. Junbi fesi, Sáuloca tedechi tale quito itsantinue: —Aco Saulo, ¿nu janaminbe Miya Jesús quirainuco? tinue. Aman lanan Jesuchi joyoe tinue. Junni Miya Jesús ereca jun jayoe tinue yape nu manquirano podeisa. Junsi Diosichi Tencanan nuchibi jera pewichunae tinue.