San Marcos 14:41 - Diosichi Pila

⁴¹ Junni Jesuri tsanque peman ne jin, manjan, itobi, yachi tsachilabe itsantinue: —¿Catson tsoniralarayun? ¿Cajasainiilainayun? tinue. Michi joe. Cuwapono óra fee tinue. Lari tsachi ica jun joto seitonlachi cuwapoichinayoe tinue yape laca calaquisa.

San Marcos 14:41 ပူးပေါင်းရင်းမြစ်များ

San Mateo 26:2

—¿Palu mate casa ma fiesta ichinaco? Jun mate tsachi manca laca, tsachi ica junca, cuwapochunae tie yape corosibi totelaquisa.

San Marcos 14:10

Chunca paluca Jesube penenaminla manca Judas Iscariote jominue. Junni yari mantá tan patelelachica jito, Jesuca nulachi cuwapono muquee tinue.

San Marcos 14:18

Aman ano fito chuminnan, Jesuri yalabe itsantinue: —Nulabe tsarasica pachinayoe tinue: Nula manca laca uyanlachi cuwapochinae tinue. Cuwapomin tsachi labe tsaina ano pefinae tiyoe tinue.

San Marcos 14:35

Junni Jesuri nasi cajisi, tobi mutsale telenhito, Diosibe rocainue yape jun mate padeseino jonunca polarisa.

San Marcos 14:40

Junni manan manjato quiranari, manan mancatson tsominlanue. Duque capiya taminlanue. Tsan joto, yalari luito Jesube niyaque manpano jonunca miitominlanue.

San Marcos 14:42

Junni jisa! Mancupalaide! tinue. Aman quiralaquede! Laca cuwapono jun tsachi jana janae tinue.

San Marcos 7:9

Nulachi miteri quilaquechiqueri, Diosi mantacacari telaquepono ura min jolajoe tinue.

San Juan 12:23

Junni Jesuri Felípela tsanque cuenta quinunca meráto, itsanque micarie: —La tsachi ica jun jonan, Diosi lachi tsara uraran mantá cuwano óra fachinae tie.

San Juan 12:27

Junni Jesús tsachilabe cuenta caquinato, itsantie: —Tsainanan lachi tenca wepananae tie. ¿Junto niyan tino joinhin? Apa, nu laca padeseisa caritude! tituntsan jochunae tie. Padeseibinan jacayoe.

San Juan 17:1

Jesús chiquilabe tsanque cuenta quetobi, jamochi quirato, itsanque Diosibe rocaie: —Apa Diosi, óra fae tie. La nuchi Nao jonan, duque sen joeque quirawode! tie. Tsanquede! lanan nuca tsara sen joeque quirawochun.

San Juan 7:30

Junni Jesús tsantinun tenchi, yaca cato dochi tinaminlanue. Tsanlatinatonan calaquitunue. Jesús doino óra caitominue.

San Juan 8:20

Jesús Diosichi yabi jun fiquica micarie cala canun postote. Jesús micarinasanan, yaca cano óra cafetunan, monantiya yaca cadolaquitunue.

Mantá Tanla 7:52

Aman chiquilachi matu to familialari jerale Diosichi mantate paminlaca seiton quimin jominlanue. Ya Diosichi mantate paminlari pato, sen tsachi jano joe latinue. Junni chiquilachi matu to familialari tsantiminlaca totelaquinue tinue. Junni nulaman ya jano jomin sen tsachicanan totesa carilaquinue. Uyanlachi cuwapoto, yaca totesa carilaquinue tinue.