San Marcos 12:1 - Diosichi Pila

¹ Junni Jesús yalaca micarichun itsanque cuenta polarinue: —Diosi wita tsacumin cuwenta jochunae tinue. Aman casale casaleri ya tsachiri uba wita quisa carichunae tinue. Junni wita quisa carisi, wita awinta serica quin, uba pi larichun foro quin, witaca quirato chuchun ya quin, quisa carichunae tinue. Junni jera se quetobi, ya witaca uyan tsachilachi quitsa quitsa cachun cuwato, bareca chubi jichunae tinue.

San Marcos 12:1 ပူးပေါင်းရင်းမြစ်များ

San Mateo 13:3

Junni Jesús yalabe duque micarinun cuenta polarinato itsantie: —Tsachi manca ni aralebi jichunae tie.

San Mateo 21:28

Junni Jesús israelita mantaminlabe tsantisi, in cuentaca meráto tenca calaquede! tie: —Tsachi manca paluca naola tachunae tie. Mancachica jito, Nao tichunae. Amana witabi jayaquebi jide! tichunae.

San Mateo 21:33

Junsi Jesús israelita mantaminlabe tsanque cuenta polaritobi, manca cuentacaman meráto tenca calaquede! tie: —Diosi wita tsacumin cuwenta jochunae tie. Aman casale casaleri ya tsachi uba wita quisa carichunae tie. Junni wita awinta serica quin, uba pi larinun foro quin, witaca quirato chuchun ya quin, quisa carichunae. Junni jera sequetobi, ya wita uyan tsachilachi quitsa quitsa cachun cuwato, bareca chubi jichunae.

San Mateo 21:34

Junni uba cano mate peyunlaca barebi nechi erechunae yape wita cuidaiminlari quitsaca cuwalaquisa.

San Mateo 25:14

Tsanque micaritobi, Jesús itsantie: —Diosi mantananun tsachila tala itsanque jochunae tie. Patron manca bare toca jichunae tie. Jun patron jichinato, yachi peyunlaca jalaisa carito, yalachi cala cuwachunae tie yape patronchi tenchi necosio quilaquisa. La ya patron cuwenta joanae; tsachilari ya peyunla cuwenta jolajochunae.

San Marcos 11:33

Jesube itsantilatinue: —Miituntsan joe latinue. Mumunmin Juan Diosichi mantate mumunnamin jonunca, o tsachilachi mantate mumunnamin jonunca miituntsan joe tilatinue. Junni israelita mantaminlari tsanlatinunsi, Jesuri yalabe itsantinue: —Junni lanan nulabe pátiyoe tinue mochi mantate micarinanunca.

San Marcos 13:34

Meralaquede! Lari bare toca nenabi jimin tsachi cuwenta joichunae tinue. Nenabi jimin tsachiri yachi yabi nechi jinato, peyunlaca jera ticatiya cuidaisa mantachunae tinue. Jerale peyunlaca jera ti quinola jonunca mantachunae mancaca mancaca. Junni tamolanca cuidaimin peyunca seque quiranana! tisi, bare toca jichunae tinue.

San Marcos 3:23

Junni Jesuri yalaca jacarito itsanque cuenta polarinue yalaca micarichun: —¿Ti quichun laca yucanchi mantate yucanchi ocolaca sularinae latinayun? La yucanchi mantate yucanchi ocolaca mansularinari, yucanla tala sularicaanun cuwenta jochunae. Yucan numanan tencachique ocolaca mansularituchunae tinue.

San Marcos 4:2

Junni yalabe duque micarinun cuenta polarinato, itsantinue:

San Lucas 15:13

Aman inale nanni nacan nao jera tanunca osito, cala catobi, bare toca jichunae tinue. Junni ya tsachiri junbi seitonque nenato, calaca moorasiri jera piyarichunae tinue.

San Lucas 19:12

cuenta polarinue: —La mantá tan tsachi cuwenta joanae tinue. Junni ya tsachiri ya chunun tobi miya ino jochunae tinue. Junto miya ibi bare toca jichunae yape yaca miya suwasa. Junni la inte nechi jito manjano jonun cuwenta, ya tsachinan miya itobi manjachunae tinue.

San Lucas 22:9

Junni yalanan itsanlatinue: —¿Aman tile dalaqueyanan? latinue.

San Lucas 8:10

Junni Jesuri itsantinue: —Diosi ya mantananun tsachi bolonca niyaque serawono jonunca nula miinola joe tinue. Casaleri miituntsan jominue; amanale nechi nulari miralarachunae. Merátuchi timinlaca mantimini cuenta quicachisiri micarimin joyoe tinue yape quiranatonan seque quiralaquitusa, yape meránatonan seque meralaquitusa.

Mantá Tanla 7:38

Junni ya israelítala layaito, niyanlanantiya chutunun tobi nenato, ya Moisenan yalabe pejominue. Junni yari Sinaí dubi lonue. Junbi anjeli Diosichi sen fiquica Moisebe jera panue chiquilachi tenchi. Junni ya sen fiquica merasi, chiquilachi matu to familialabe manpolarinue.