Mantá Tanla 5:2 - Diosichi Pila

² Junto cala casi, Ananías weyanca nosa larito, jun puchuca Crístochi mantá tanlachi cuwato, jera cuwanayoe tinue. Yachi sonanan miraminue ya weyan calaca nosa laricaya joeque.

Mantá Tanla 5:2 ပူးပေါင်းရင်းမြစ်များ

San Mateo 23:5

Ticatiya jera quiminla joe yape tsachila yalaca quirato sen jolajoe tilatisa. Weyan israelítala Diosichi Pila chutecaca papabi poto, tedebinan, lesubinan teleminlae. Junsi fariséolabe mantaca micariminlabe mantimini jun papaca fécari ayancan quiminla joe weyanlaca fe sen jolajoyoe tito. Fe baren seyun chun camisa pominla joe tie fe sen jolajoyoe tito.

San Juan 12:6

Junni Júdari tsantinatonan, poperelaca laquirato tsantitue. Yari chiquilachi calaca cuidaimin jotonan, tarinmin jominue. Ya cala senaminca pansile tarinmin jominue.

Mantá Tanla 2:44

Junni jerale Jesube cayaica junla layaito, man junni tenca cato, jeralela man layanni taminlanue.

Mantá Tanla 4:37

Junni yanan yachi toca osito, cala cato tanjato, Crístochi mantá tanlachi jera cuwanue.

Mantá Tanla 5:1

Junni aman manca tsachiman jominue Ananías mumun. Yachi sonari Safira mumun jominue. Aman yalaman to osilaquinue.

Mantá Tanla 5:3

Junni Ananías jera cala cuwanayoe tinunsi, Pédrori yabe itsantinue: —Ananías, nuri to tenchi cala cato, weyan calacari tsato, inni jera joe tito cuwanae tinue. Nuri Diosichi Tencabenan nene pánae. ¿Aman niyaito Satanás nuca tsanque encanasa carinan?

Mantá Tanla 5:8

Junni Pedro yabenan itsantinue: —¿Nulachi toca tsansiteri osilaquiyun? tinue. Junni ya sonari tsansitere tinue.

Filípolachi 2:3

Junsi isapun itolajona! Uyanlaca fe sen joyoe titulajona! Uyanlari nulaca fe jolajoeque tenca calaquina!

1 Timotéochi 6:10

Calaca munapunla ti tsan quiratiya quimin ilaichunae. Weyanla calaca munapun joto Jesucrístoca quereicaca telaquepoto tencabi duque padeseiminla joe.