Mantá Tanla 26:3 - Diosichi Pila

³ Nuri chiquilachi mica seque mirae. Chiquila panuncanan nu jera mirae. Junni nube rocainayoe yape laca de fecári merása.

Mantá Tanla 26:3 ပူးပေါင်းရင်းမြစ်များ

Mantá Tanla 21:21

Junni yalari nuca seitonque cuenta meralaquinue tie. Nu uyan tobi chumin israelítalaca seitonque micarimin joeque meralaquinue. Moisés mantacaca telaqueposa timin joeque mera joe. Israelita nalala jolajosanan, quidoca poretusa mantamin joeque mera joe. Nunan israelita pejotonan, israelítalachi mite nenatusa timin joeque mera joe. Uyanla nuca tsanque seitonque cuenta polaricala joe tie inte chuminlabe.

Mantá Tanla 24:10

Junni abocado jera cuenta quinunbi, cobernadori Pábloca tedechi mantato, nunan pade! tinue. Junni Páblori pato, cobernadoribe itsantinue: —Nuri duque watale nechi israelítalaca mantamin joe tinue. Jun tenchi pansi joto nubenan beconan pachinayoe.

Mantá Tanla 24:4

Jun tenchi nube sen jonari rocaichinayoe laca man fiqui nacá merádeque. Moorari pachinayoe nuca layan pasuwatuchun.

Mantá Tanla 26:2

—Miya Agripa, lachi pansi tenjae tinue amana nube cuenta quechinayoeque. Uyan israelítalari laca duque culpa quichi latinae. Junni amana nuca jera tucarichinayoe tinue.

Mantá Tanla 26:26

Junca miya Agripa jera mirae tinue Jesucrístoca paca fiquica. Jun tenchi luratuto yabe cuenta quiniquinayoe tinue. Yari junca jera miranae tinue. Jesucristo nosa nenatumin jominhe tinue.

Mantá Tanla 26:7

Aman jerale chunca palu bolon israelítalanan jun tsanquenan tenca caminla joe Diosi puyaca junlaca mansoncarino joeque. Yalari quepen, malon Diosichi tenchi titiya quichi timinla joe yalanan mansonhiminla ichique. Nulanan junca quereituntsan joe titulajona! Junni miya, israelítalari tsanque tenca caminla jotonan, laca culpa quichi latinae puyaca junla mansonhinola joeque quereinun tenchi.

Mantá Tanla 28:17

Junni Pablo peman ma Rómabi chuminnan, junbi chumin israelita mantaminlaca jasa carie. Junni layailainunbi, Pablo yalabe itsantie: —Israelítala, lanan israelítayoe. Tsan jomincanan Jerusalenbi chumin israelítalari laca románolachi cuwapoto dosa carilaquee. La israelítalaca natiya seiton quitusanan, chiquilachi tatalachi mite nenanoca natiya yucacuratusanan, laca dosa carilaquee.

Mantá Tanla 6:14

Ya itsantinaminca chiquila meralaquiyoe tilatinue: Jesús Nasareno Diosichi yaca araleto, junsi Moisés micaricaca jera canbiyacarichunae tinaminca meralaquiyoe tilatinue.

1 Coríntolachi 13:2

Chiquilari Diosichi mantate paminla jototiya, o jera miilaitununca entendeiminla jototiya, jera miraminla jototiya, laquiraminla itotori, epe jolajoichunae. Diosica tsaracari duque tennatori, jelecari wa duca joqueisa carino podeicaichunae. Junni chiquilari Diosica tsansi tennaminla jototiya, laquiratuminla jotori, jera epe jolajoichunae.