Mantá Tanla 10:3 - Diosichi Pila

³ Junni manca mate tre de la tardete Cornéliochi ura jera quirajanue. Anjeliri Diosi ereca jun jato, Cornelio tinue.

Mantá Tanla 10:3 ပူးပေါင်းရင်းမြစ်များ

San Mateo 27:46

Junni tre de la tardete Jesuri sonba pato itsantie: —Lachi Diosi, lachi Diosi, ¿niya jonan laca puraca joyun? tie. Aman israelítalachi fiquichi pato, “Elí, elí, ¿lama sabactaní?” tinue.

San Lucas 1:11

Aman jun quiranari pansile nechi Miya Diosichi anjeli quirainue. Jun insienso nin ponanunle tsa nan tala wiruranue.

San Lucas 2:13

Junni anjeli tsanque panunsi, pansile nechi ya anjelilabe duque anjelila quirailainue. Diosica tsarasica pato itsanlatinue:

Mantá Tanla 10:17

Junni Pedro yachi quirajacaca tenca canato, Diosi yaca tíca micarichi tinamin jonhoncanque tenca canaminue. Tsanque tenca cato chusanan, Cornelio ereca jun tsachila falainue. Simonchi yaca panhato jato, urachi wiruraminlanue.

Mantá Tanla 10:19

Junnasa mantimini Pedro yachi quirajacaca tenca canasanan, Diosichi Tenca yabe itsantinue: —Meráde! tinue. Pemanca tsachila nuca quirachique meralarae tinue.

Mantá Tanla 10:30

Junni Pédrochi fiquica meráto, Cornelio itsantinue: —Junpalu ma poleca lachi yabi chuniramanyoe tinue. Junto Diosibe rocaino órate ano fitunca ito rocainamanyoe tinue tre de la tardete. Aman Diosibe rocainasanan, tsaracari fibaquin camisa pun tsachi quiraie tinue.

Mantá Tanla 10:9

Aman ayuna nanchi ya tsachila Jópeca jalainasanan, Pedro terasabi lonue. Yotute Diosibe rocaibi lonue.

Mantá Tanla 11:13

Junni yari chiquilabe cuenta quito yachi yabi anjelica wiruraminca quirayoe tie tinue. Anjeli yabe itsanque pae tie tinue: Jope puebloca tsachilaca ereto, junbi nechi Simón Pédroca tanjasa carideque mantanue tie tinue.

Mantá Tanla 3:1

Aman man nete Pédrobe Juanbe Diosichi yaca lolainue. Diosibe rocaino óra jominue tre de la tardete.

Mantá Tanla 5:19

Junni doralarasanan, jun quepente Miya Diosi yachi anjelica erenue yape doranun tamolanca lasito cuwasa. Junni anjeliri Crístochi mantá tanlaca donun yabi nechi larisi, yalaca itsanque mantanue:

Mantá Tanla 9:10

Tsan josanan Damáscobi manca tsachi chuminue Ananías mumun. Yanan Jesucrístobe penenamin jominue. Junni Ananíachi quirajanasa Miya Jesucrístoca quiranue. Junni Jesucristo yabe pato, Ananías tinue. Junni Ananíari Miya tinue. Ina chuyoe tinue.

Mantá Tanla 9:4

Junni Sáulori tobi queereito, fiquica meránue. Itsantinue: —Saulo, Saulo, ¿nuri laca ti quichun seiton quinayun? tinue.

Israelítalachi 1:14

Anjelilari Diosibe seque mantaiminla joe. Yalari puca itonla joe. Diosi mantaca junni nenaminla joe Diosi se larino junlaca cuidaichun.

Israelítalachi 1:4

Diosichi Naori anjelilaca duque fe sen joe. Diosiri yachi Naoca duque mantá tan suwanan, anjelilaca fe sen jochunae.