San Lucas 9:56 - Diosichi Pila

⁵⁶ Lari tsachi ica jun joto, tsachilaca totebi jatucayoe tinue. Tsachilaca se laribi jacayoe tinue. Junni tsantitobi, uyan puebloca jito polelainue.

San Lucas 9:56 ပူးပေါင်းရင်းမြစ်များ

San Mateo 18:10

Junsi Jesús man fiquiman micarie: —Nalalaca natiya yape, epe jolajoeque tenca catulajona! tie. Yalachi anjelila jamochi rato, lachi Apa Diosichi cale numasitiya wiruralarae.

San Mateo 18:11

¿Junni nulachi niyaque tenca jalain? Patsa opisa tan tsachiri opisa mancaca topiyaritori, ¿ti quichunnan? ¿Manneyabi jino itochunan? Aman la tsachi ica jun joto, jun tsanquenan tenca topiyaca nenamin tsachilaca neyato, se laribi jaca joyoe tie. Junni opisa tsacumin nue chunca nueca opisaca epele purato, topiyacaca manneyabi jichunae tie.

San Mateo 20:28

La patsa tsachi ica jun joto, peyunlaca mantaquebi jatucayoe. Lanan peyun cuwenta nenabi jacayoe tie. Duque tsachilachi tenchi puyabi jacayoe tie yape casticailaitusa.

San Mateo 5:39

Junni matu tote tsantica josanan, Jesuri uyan quiraque pachinayoe tie: Nulaca seiton quimin tsachilaca beconan seiton quitulajona! tie. Caforobi tsa nanchi quinari, man nanchinan quirawolaquina! yape man nanchinan quiniquisa.

San Lucas 22:51

Aman Jesús mantimini yalaca tsanlaquitude! tito, punqui bajicaca taquirato, manse suwanue.

San Lucas 23:34

Junnasa Jesuri itsantinue: —Apa Diosi, yala niyan quilaquinanunca miitolajoe. Junni yalaca perdonaide! tinue. Junni soldadolari Jesuchi camisa tsanlaca cato, yala tala apostaito sorteailainue yaca mo cano jonunca miichun.

San Lucas 9:55

Junni Jesús yalaca quirato, itsantinue: —Te, tsanlaquitude! Nulari tenhituto yucanchi mite palaquinae tinue.

San Lucas 9:57

Aman minute jilainato, tsachi manca Jesube itsantinue: —Nube penenamin ino muquee tinue. Nunchitiya nube pejinoyoe tinue.

San Juan 10:10

Tarinpunla mantimini opisa tsanlaca cuidaibi jatuminla joe tie. Fudacarin, toten, seiton quin, quebi jaminla joe. La mantimini sonnasa caribi jacayoe. Fe son tito nenalarasa caribi jacayoe tie.

San Juan 12:47

Weyan tsachilari lachi fiquica punquichi merátonan, tenca cato merátuminla joe tie. Junni lari yalaca culpa quitiyoe. La seiton nenaminlaca culpa quebi patatucayoe; yalaca se laribi patacayoe tie.

San Juan 3:17

Diosi yachi Naoca erenue tobi nenasa. Junni tsachilaca culpa quisa eretunue. Te, tsachilaca se larisa erenue.

Románolachi 12:21

Seitonla nulaca seiton quicachi fe lochi latichunae. Junca tsanhisa carilaquituna! Nulari seitonlaca duque sen quicachisiri fe lolaina!

1 Timotéochi 1:15

Junni tenca cade! Jeralela quereintsan fiquica chutechinayoe. In fiqui tsarasi fiqui joe. Duque merántsan fiqui joe. Yari itsanque joe: Jesucrístori jutsa quiminlaca se laribi toca patanue. Junni piyanle jutsa quiminla tala lari fécari jutsa quimin jomanyoe.