San Lucas 9:18 - Diosichi Pila

¹⁸ Junni Jesús man mate chicanle Diosibe rocainaminue. Yachi tsachila quelole chuminlanue. Junni yalabe itsantinue: —¿Tsachilari laca mo jonhoe latinan? tinue.

San Lucas 9:18 ပူးပေါင်းရင်းမြစ်များ

San Mateo 14:23

Junni Jesús tsachilaca manheretobi, du minu mancasiri jinue Diosibe rocaibi. Junni aman nemeinasa Jesús junte mancasiri rasanan,

San Mateo 26:36

Junni Getsemaní tinun postoca jilaito, Jesús yachi tsachilabe itsantie: —Inte chudito meralarade! tie. Junchi jichinayoe tie Diosibe rocaibi.

San Lucas 11:1

Jesús Diosibe rocainaminue. Jun deinunsileri, yabe penenamin tsachi manca Jesube itsantinue: —Miya, Mumunmin Juan yabe penenaminlaca Diosibe niyaque rocaino jonunca micarinue. Aman nunan chiquilaca rocaino micaride! tinue.

San Lucas 3:21

Aman Juan cadoituminnan tsachilaca mumunnato, Jesúcanan mumunnue. Junni Jesuca mumunquinunsile, Diosibe rocainasanan, yoquido lasainue.

San Lucas 6:12

Jun malate Jesús du minu loto, man quepen Diosibe rocainaminue.

San Lucas 9:19

Junni Jesuchi tsachilanan itsanlatinue: —Weyanlari nuca Mumunmin Juan jonhoe latinae latinue. Aman junsi weyanlari nuca matu to Elías jonhoe latinae latinue. Junsi weyanlari nuca manca matute Diosichi mantate pamin tsachi mansonhica jonhoe latinae latinue.

San Lucas 9:28

Junni ochu ma tsansi poletobi, Jesús dubi lonue Pédrobe Juanbe Jacóbobeca tanjito. Diosibe rocaibi lonue.

San Lucas 9:29

Junto Diosibe rocainato, yachi caforo uyan quiran inue. Yachi camisari fibaquin fibaquin tse quiniquimin inue.