San Lucas 8:30 - Diosichi Pila

³⁰ Junni Jesuri ti mumunyunque panhanue. Yalari itsanlatinue: —“Ejersito” tinun mumunlayoe latinue. Duque animali yucanchi ocola ya tsachichibi wicala jominue. Junni jun tenchi yalaca “Ejersito” tinun mumun jominlanue.

San Lucas 8:30 ပူးပေါင်းရင်းမြစ်များ

San Mateo 26:53

Laca isaisa tenjamanpari, lachi Apa Diosibe rocaino podeino joinhie anjelila laca isaibi jalaisa. Chunca palu bolon fécari anjelilaca ereno jomin jonhoe soldadola cuwenta laca isailaisa.

San Mateo 4:24

Tsannasanan Siria tinun bare tobinan tsachila jera meralaquinue ya tsantin nenaminca. Yaca miito, tsachilari quiyanpunlacanan, fudan junlacanan, yucanchi ocobe padeseiminlacanan, jancanlacanan, ataque iminlacanan, jera Jesúchica tanjalainan, yalaca manse suwae.

San Mateo 8:29

Junni yalari Jesuca quirato sonba pato itsanlatinue: —¿Jesús, nuri chiquilaca ti quebi jayun? ¿Nu Diosichi Nao joto, chiquilaca pasuwabi janayun? ¿Casticaquino ma caitosanan chiquilaca casticaquebi janayun? tilatinue.

San Marcos 16:9

Junni Jesús tominco ma quepenanan mansonhica joto, María Magdalénabe casale manquirainue. Matunan sieteca yucanchi ocola jun sonachibi wica jominlaca mansularica jominue.

San Marcos 5:9

Junsi Jesuri ti mumunyunque panhanue. Junni yalari itsanlatinue: —Duque jolajoyoe. Junto chiquilaca Ejersito tinunlayoe tinue.

San Lucas 8:2

Sonalanan pejinato ayudainaminlanue. Ya sonala weyanlari quiyanpun jomin joto, Jesube manseica jominlanue. Weyanlachibi yucanchi ocola wica jun jominlaca Jesús mansularica jominue. Manca María Magdalena jominue. Jesús sieteca yucanchi ocolaca yachibi nechi mansularica jominue.