San Lucas 8:25 - Diosichi Pila

²⁵ Junni pica manhowoisa caritobi, yachi tsachilabe itsantinue: —¿Niyaito Diosica tennalaratiyun? tinue. Tsantinan yala jele tito duque wepanato, yala tala itsanticaalaquinue: —¿Inni ti tsachi junhun? tilatinue. Wube pibenan yaca meraniquimin joe latinue.

San Lucas 8:25 ပူးပေါင်းရင်းမြစ်များ

San Mateo 14:31

Jesús mantimini yaca tedechi we mancato itsantie: —Nu tennatumin joe. ¿Niyaito tennano peleiyun? tie.

San Mateo 17:20

Junni Jesuri chiquilabe itsantie: —Nulari Diosica tennano cajolajoe tie. Junto ya yucanchi ococa sularino podeilaitunue tie. Nulabe tsarasica pachinayoe tie. Diosica duque tennatutonan, nasiri tennaminla jotori, jera ticatiya quino podeilaichunae. Nula mantimini tsansi nacánantiya tennatulajoe. Aman tsansi nacátiya tennaminla jotori, wa duca mantato, Junchi jide! tilatinari, jiniichunae.

San Mateo 6:30

Lapanan moora yucapiyamin joe tie. Amana moso jominnan nanni ina jequeito ninbi niyamanhe. Junni lapari moora yucapiyamin josanan, Diosi yaca duque moso suwamin joe tie luli isa carito. Junni Diosi epe lapacanan moso suwamin jotori, nulachi sen panucanan cuwachunae tie. Junni aman nulari duque moso jochique wepanalainato, Diosica tennatuchi timinla joe tie.

San Mateo 8:10

Junni capitan tsantinunca meráto, Jesuri wepanae. Wepanato meráto, jerale yabe pejaca junlabe itsantie: —Nulabe tsarasica pachinayoe tie. In capitan israelita itotonan, israelítalaca fécari Diosica tennamin joe tie.

San Mateo 8:26

Jesús mantimini beco manpato itsantinue: —¿Niya jonan jele tilatinayun? Diosica natiya tennatumin tsanni jolajoe tinue. Tsantisi aman cupato, wuca jera deisa mantaquiniquinue. Latsacanan jera deisa mantaquinquinue. Tsantinunsiri pi jera owowo inue.

San Marcos 4:35

Aman Jesús tsanque micaritobi, jun matenan neme ino inasa, yabe penenaminlabe itsantinue: —Wa pi pilu becochi jilaisa! tinue.

San Lucas 12:28

Aman lapanan moora yucapiyamin joe. Amana jayacate moso jotonan, nanni ina jequeito ninbi niyamanhe. Junni lapari moora yucapiyamin josanan, Diosi yaca duque moso suwamin joe luli isa carito. Junni Diosi epe lapaca moso suwamin jotori, nulachi sen panucanan cuwachunae tinue. Aman nulari duque moso jochique wepananato, Diosica tennatuchi timin tsanni jolajoe.

San Lucas 8:24

Junni yachi tsachila Jesuca mansoncarito itsanlatinue: —Miya, puyalaichinayoe latinue. Junni Jesús mansonhito wuca deisa mantanue. Latsacanan deisa mantanue. Tsantinunsi wuri jera mandeito owole cayainiinue.

San Lucas 8:26

Galilea tobi nechi jito, wa pipilu becochi poleto, Gadara tobi felainue.

San Juan 11:40

Junni Jesuri itsantie: —¿La pacaca quereitori, Diosi wepanato quirantsancari quinaminca quirachunae tituan? tie.