San Lucas 6:27 - Diosichi Pila

²⁷ Junto Jesús itsanque micarinue: —Aman laca meráminlabe itsantichinayoe tinue: Nulaca paiminlaca laquiralarana! tinue. Aman pa jominlabe sen jolajona!

San Lucas 6:27 ပူးပေါင်းရင်းမြစ်များ

San Marcos 4:24

Junni Jesús tsantisi yalabe man fiquiman panue: —Seque tenca cato meralaquede! tinue. Ti medidatetiya cuwalaquinari, jun medidatenan mancuwalaquichunae. Junni tsanquenan nulari nasi meralaquinari, Diosi nulaca nasiri miisa carichunae tinue. Duque meralaquinari, duque miisa carichunae tinue. Junsi nantanan fécari miisa carichunae tinue.

San Lucas 23:34

Junnasa Jesuri itsantinue: —Apa Diosi, yala niyan quilaquinanunca miitolajoe. Junni yalaca perdonaide! tinue. Junni soldadolari Jesuchi camisa tsanlaca cato, yala tala apostaito sorteailainue yaca mo cano jonunca miichun.

San Lucas 6:22

Junsi paito telaquepoca junlanan son tinola joe tinue. Tsachila nulaca pansile yucacurato, seitonque nene palaquichunae la tsachi ica junbe penenaminla jonun tenchi. Tsanlaquinari, nula son tinola jochunae.

San Lucas 6:35

Nulari uyan quiraque nenanola joe. Nulaca paiminlacanan laquiralarana! tinue. Seque quilaquina! Faricarilaquina! Mancatuchun tenca faricarilaquina! tinue. Diosi jun tsannan quimin joe. Aman acradeseituminlabenan, isapunlabenan Diosi tsanquenan sen joe. Junni nula ticatiya tsanquito nenatori, jamochi chumin Diosichi nalala jolajochunae tinue. Ticatiya tsanquito nenanari, Diosi nulachi tsaracari senca cuwachunae tinue.

San Lucas 8:15

Weyanlachi tenca mantimini sen to cuwenta jolajochunae tinue. Junni Diosichi fiquica meráto seque tennalarachunae tinue. Diosichi fiquica seque tenca tato seilaichunae tinue peleituto. Jesús ya cuenta tsanque manmicarinue.

San Lucas 8:18

Jun tenchi nula amana tenca cato meralaquede! tinue. Fe miraminlacari Apa Diosi fe miisa carichunae. Miituchi timinlachicari nasi mirayoe tinuncatiya manjosolechunae tinue.

San Lucas 8:8

Weyan niri sen tobi arajito seque suchunae tinue. Junni ya ni uwaito, ni cura patsa ni mancuwachunae tinue. Aman Jesús tsanque cuenta polarisi, sonba pato itsantinue: —Punqui chularatori, seque tenca cato meralaquede! tinue.

Mantá Tanla 10:38

Junsi Diosi Jesús Nasarénoca wenteto, yaca sonba tenca suwanue tinue. Diosichi Tenca Jesube tsaracari seque penenaminue. Junni Jesús seque quito nenaminue. Yucan pasuwaca junlaca Jesús mansemin jominue. Diosibe ura mantaito tsanque seque nenaminue.

Mantá Tanla 16:28

Junni tsanhichinasanan, Páblori sonba pato, Tsanhituna! tinue. Jeralelanan chularayoe tinue.

Mantá Tanla 7:60

Junsi telenhito, sonba pato itsantinue: —Miya Jesús, inlaca in jutsa tenchi culpa quituna! tinue. Junni tsantisi puyanue.

Galácialachi 6:10

Junni numasitiya jeralelabenan sen jolajona! Crístobe cayaica junlabe mantimini fécari sen jolajona!

1 Tesalónicalachi 5:15

Seiton quinaminlaca nulanan beconan seiton quilaquituna! Numasitiya uyanlabe sen jochique tenfelaina! Nula tala laquiracaato nenalarana! Uyan jeralelabenan sen jolajona!

3 Juanchi 1:11

Nucari laquirato seque payinayoe. Seitonla cuwenta itoto, senla cuwenta jona! Se quiminlari Diosichi jolajoe; seiton quiminlari Diosica miitolajoe.