San Lucas 6:23 - Diosichi Pila

²³ Matu tote Diosichi mantate paminlaca jun tsanquenan padeseisa carilaquinue tinue. Junni nulanan yala cuwenta patitori, pansi joto duque son tilatina! tinue. Aman nulari in tote lachi tenchi padeseinari, Diosi jamochi nulachi tsaracari senca cuwachunae tinue.

San Lucas 6:23 ပူးပေါင်းရင်းမြစ်များ

San Mateo 5:12

Tsanque padeseilainari, Diosi jamochi nulachi tsaracari senca cuwachunae tie. Junni pansi joto duque son tilatina! Matu tote Diosichi mantate paminlacanan jun tsanquenan padeseisa carilaquinue tie. Junni nulari in tote yala cuwenta padeseilainatori, son tilatina! Jesuri tsanque micarie.

San Lucas 1:41

Junni aman Elisaberi Maríachi fiquica meránan, nari Elisabechi pecolobi wecainue. Junni Elisaberi Diosichi Tencabe jera cayaica joto,

San Lucas 1:44

Junni nuchi saludoca meránunsi, chiquechi na wecaie tinue. Duque son tito pecolobinan wecaie tinue.

San Lucas 6:35

Nulari uyan quiraque nenanola joe. Nulaca paiminlacanan laquiralarana! tinue. Seque quilaquina! Faricarilaquina! Mancatuchun tenca faricarilaquina! tinue. Diosi jun tsannan quimin joe. Aman acradeseituminlabenan, isapunlabenan Diosi tsanquenan sen joe. Junni nula ticatiya tsanquito nenatori, jamochi chumin Diosichi nalala jolajochunae tinue. Ticatiya tsanquito nenanari, Diosi nulachi tsaracari senca cuwachunae tinue.

Mantá Tanla 14:10

Junnan Páblori sonba pato, nuri tuca wiruide! tinue. Tsantinunsileri wiruisi nenanue.

Mantá Tanla 3:8

Junto jancan jomin tsachi sonba manwiruito, mannenaniraminue. Nenato, suloto, Diosica se tito, Pédrolabe Diosichi yabi pewinue.

Mantá Tanla 5:41

Junni tsanque padeseitobi, ya mantaminlachibi nechi duque son tide manlolainue. Diosi yalaca Jesuchi tenchi padeseisa carica jominue. Jun tenchi yalari son tito Diosibe acradeseilainue.

Románolachi 5:3

Juncasiri son tituminlayoe. Padeseinanuncanan son timinlayoe. Padeseinato, peleitumin iminlayoe. Junca mirato, padeseinunca son timinlayoe.

2 Coríntolachi 12:10

Junni cumana jotonan, duque padeseinatonan, niyanhinatotiya, Crístoca laquirato padeseinayoe tito, son timin joyoe. Lachi titiya falta josatiya, labe seiton jolajosatiya, wepananatonan, lari son timin joyoe. Cumana jono órate fe poden joyoe.

Colósalachi 1:24

Aman nulachi tenchi duque padeseinatotiya, son jonijoyoe. Crístochi tsachilari layaito yachi puca cuwenta jolajoe. Junni yalaca la ayudaimin joyoe. Diosi lachi tsanque mantá cuwaca joe yape nulaca yachi fiquica jera micarisa. Junni Crístori labe pae yachi tsachilachi tenchi duque padeseichunaeque. Junni lari capadeseino jonunca jera padeseinayoe.

2 Timotéochi 2:12

Yabe jera wantaitori, yabenan mantá tacaichunae. Yachi itolajoyoe latinari, yanan chiquilaca lachi itolajoe tichunae.

Israelítalachi 11:26

Egipto to tsachiyoe timanpari, duque mica sen jominca tsacumin ino jomin jonhoe. Junni juncari munaratuto, Diosichi tsachi ito, duque padeseino jominue. Junni Moiseri Crístochi tenchi padeseino fe sen joeque tenca cato, Egipto to cosalaca jera telaqueponue. Egipto to cosalaca munaratuto, Diosi cuwano jonunca fe munarayoe tinue.

Israelítalachi 11:6

Diosica quereitunari, numanan sen joe tituchunae. Diosibe cayaichi timinlari casaleri Diosi joeque quereinola joe. Junsi Diosica miichi timinlabe Diosi sen jochunaequenan quereinola joe.

Santiago 1:2

Nulari Jesucrístobe cayaica jonun tenchi padeseilainae. Tsanque padeseinatori, nanni fe sonba tenca ito peleitumin ilaichunae. Nulari junca miralaranae. Junto Jesucrístobe cayaica jonun tenchi padeseinato, duque son jolajona!

1 Pédrochi 4:13

Aman Jesucrístonan padeseinue. Junni nulanan padeseilaitori, ya cuwenta jolajochunae. Junni duque son jolajona! Aman inale jeralela Jesucrístoca sele quiralaquichunae tsarasi mantá tan jominca. Junni nula amana ya cuwenta padeseitori, jun mate fécari pansi jolajochunae ya cuwenta joyoe tito.

Quirajanunca 2:17

Junni punqui chunla jotori seque meránola joe Diosichi Tenca yachi tsachilabe pánanunca. Jana maná tinun finoca tsato tayoe. Junni feiminlachi junca cuwanae. Junsi motiya feinari, yachi fiban suca cuwanae. Jun sulabi casan mumun chutecala jochunae. Ya mumunca caminlasiri ti mumun jonunca miralarachunae. Uyanlari monantiya miitolajochunae. Pérgamobi chuminlachi tsanque pila quisa carie.

Quirajanunca 2:26

Junni nula weyanlari to jeraino fecári fe ito, laca meralaquichunae. Aman yalachi mantá cuwanae jerale toca mantaminla josa.

Quirajanunca 2:7

Junni punqui chunla jotori, seque meránola joe Diosichi Tenca yachi tsachi bolonlabe pánanunca. Meralaquede! Diosichi sen tobi sen chide pele chue. Jun chide pucaca fiminlari numatotiya sonnato polelaichunae. Junni fe iminlachi ya pucaca cufiyanae tie. Efésobi chuminlachi tsanque pila quisa carie.

Quirajanunca 21:7

Fe lominla junca jera tsacumin jolajochunae tie. Yalachi Diosi jonan, lachi nalala jolajochunae tie.

Quirajanunca 3:12

Fe iminlaca lachi Apa Diosichi yabi tutan cuwenta suwanae yape natiya manlolaitusa. Ya tsachilachibi mumunca chuteyanae. Lachi Diosichi mumunca, lachi Diosichi pueblochi mumuncanan, lachi casan mumuncanan chuteyanae. Diosichi pueblo, ya Casan Jerusalén tinun, ya Diosichibi nechi patano jun pueblo joe.

Quirajanunca 3:5

Fe iminlaca tsanque fibaquin camisa pocariyanae. Yalachi mumun Diosichibi sonnanun pilabi chutecaca natiya piyarituanae. Lachi Apa Diosichi cale, yachi anjelilachi cale, junlaca sen jolajoe tiyanae.