San Lucas 6:20 - Diosichi Pila

²⁰ Junni Jesús yabe penenaminlaca quirato itsantinue: —Poperelanan son tinola joe tinue. Nula Diosi mantananun tsachi bolonbi pejolajochunae tinue.

San Lucas 6:20 ပူးပေါင်းရင်းမြစ်များ

San Mateo 25:34

Junto la yalachi miya joto, tsa tede nanchi wiruraminlabe itsantiyanae tie: Lachi Apa Diosi nulaca son tisa carica joe. Matu mate in toca quinato, nulachi tenchinan tsara sen to quicae tiyanae tie. Junbi Diosi nulachi Miya jonan seque chunola jochunae tiyanae tie. Junni jalaide! Jun sen tobi wito chularana! tiyanae tie.

San Mateo 5:1

Junni Jesús jun layan tsachilaca quirato, dubi loto chudie. Junni yabe penenaminlanan pelolaiyoe yape chiquilaca micarisa.

San Lucas 12:32

Junsi Jesús yachi tsachilabe itsantinue: —Nula narin tsachila jotonan, jeleratulajona! Nulachi Apa Diosi nulaca laquirato, ya mantananun tsachi bolon isa cariyanae ticae tinue.

San Lucas 13:28

Junni nulachi matu to tatalaca Diosi mantananun tsachi bolonbi peranunca quiralaquichunae Abrahanca, Isaaca, Jacóboca. Jerale matu to Diosichi mantate paminlacanan junbi peraminlaca nula quiralaquichunae tinue. Nula mantimini urachi puraicala jochunae tinue. Junbi padeseinato fudachi warelaquichunae tinue.

San Lucas 14:15

Aman tsachi manca jun fiestate ano pefito chuminnan, Jesuchi fiquica meráto itsantinue: —Diosi mantananun tsachi bolonbi ano pefiminlari duque pansi jolajochunae tinue.

San Lucas 16:25

Junni Abrahanni yachi alica padeseinaminbe itsantichunae tinue: Nuri matuca mantenhide! Cason jominnan, nuri jera sensiri taminue. Lázarori padeseito sonnaminue. Amanari yari pansi josanan, numan padeseinae.

San Lucas 4:18

Tsachi manca Miya Diosichi Tenca labe joe tichunaeque chuteca joe. Ya tsachica Diosi mantá tan suwachunae yape poperelaca sen fiqui micarisa. Diosi yaca erechunae yape tencabi laqui junlaca pansi josa carisa. Doraminlaca manlonola joe tisa erechunae. Quirano podeitonlaca manquiranola joe tisa erechunae. Seitonlabe padeseinaminlaca telasa carisa erechunae.

Mantá Tanla 14:22

Jesucrístobe penenaminlaca sonba tenca suwadede manjilainue. Yalaca seque payito, nula Crístobe cayaica joto, yaca natiya telaquepotuto nenalarana! tilatinue. Nulari Diosi mantananun tsachi bolonbi pejochun duque padeseino patilaichunae tilatinue.

2 Coríntolachi 6:10

Chiquilaca duque laqui jonola jonhoe latinasanan, chiquilari numasitiya son timinlayoe. Calari itonan, duque tsachilachi tencaca ocola cuwenta suwaminlayoe. Tinantiya itonla jotonan, jerale toca tsacumin cuwenta jolajoyoe.

2 Coríntolachi 8:2

Yalari padeseinatonan, duque poperela jotonan, tsaracari duque epe cuwaminla joe.

2 Coríntolachi 8:9

Chiquilachi Miya Jesucrístori duque laquiramin joeque nulari jera miralaranae. Yari jerale ticatiya tsacumin jotonan, popere inue yape chiquilanan poperela jomin jotonan, yachi tenchiri titiya jera munaranuncatiya talarasa.

1 Tesalónicalachi 1:6

nulanan chiquila cuwenta ilaie. Junto nulari Diosichi fiquica meráchun duque padeseilaie. Tsanhinasatiya, Diosichi Tenca nulaca ayudaie yape ya fiquica son tito meralaquisa. Tsanque seque meránato, chiquila cuwenta, Miya Jesucristo cuwenta, nenamin ilaie.

2 Tesalónicalachi 1:5

Junni Diosinan nulaca pato, sen jolajoe tichunae. Diosi tsantino itomanpari, nulari numa peleica jono jominla jonhoe. Peleituminla jonan, Diosi nulaca yachi tobi pechuno sen jolajoe tichunae. Nulari yachi tobi chubi jichun padeseilainae.

Santiago 1:12

Junni yucan nulaca jutsa quisa carichique tenfenari, jutsa quituminnan wantaintsan joe. Tsanque wantaiminlari duque son tilatichunae. Diosi wantaiminlaca numatotiya sonnasa carichunae premio cuwanun cuwenta. Yaca laquiraminlacari tsanque Numatotiya sonnasa cariyanae tinue.

Santiago 2:5

Acola, soquila, nulaca duque laquirato payinan, seque meralaquede! ¿Cala itonlacari Diosi patsanan wenteca joco? yape yabe cayailaisa. Tsachilari yalaca poperela joe latinasanan, Diosica tsaracari quereiminla joe. Aman Diosi yaca laquiraminlaca seque queyanae tinue. Ya mantananun tsachi bolonbi penenasa cariyanae tinue. Junni Diosi poperelaca fécari wentenue yape jun bolonbi penenamin jolajosa.

Quirajanunca 2:9

Nulaca mirayoe. Padeseilainae. Popere jolajoe. Tsan jotonan, Diosichi tsachila joto oco cuwenta jolajoe. Weyanlari nulaca yucacuraminla joeque jera mirayoe. Junni ya yucacuraminlari israelítala joto Diosichi jolajoyoe tinatonan, tsan itolajoe. Satanachi bolon tsachila jolajoe.