San Lucas 5:33 - Diosichi Pila

³³ Junni weyan tsachila Jesube itsantilatinue: —Mumunmin Juanbe penenaminla israelítalachi mi tala nenato, duque ne Diosibe rocaichun ano fitunca iminla joe latinue. Fariséolabe penenaminlanan jun tsannan iminlae tilatinue. Aman nube penenaminla mantimini ano ticatiya finiquiminla joe. ¿Niyaito tsanquiminla jun? latinue.

San Lucas 5:33 ပူးပေါင်းရင်းမြစ်များ

San Mateo 23:13

Junsi Jesús chiquilaca tsanque micaritobi, israelita mantaminlabe itsantie: —Mantaca micariminlabe fariséolabe, nulari fe sen jolajoyoe timinla jotonan, duque padeseilaichunae tie. Nulari tsachilaca seitonque payiminla joe yape Diosibe cayailaitusa. Nula Diosibe cayaituto, weyanla cayaichi timinlacanan cayaisa carituminlae tie.

San Marcos 12:40

Biudalachi yaca nosale josoleminla jotonan, Diosibe wanca rocaiminlae yape tsachila yalaca quirato, duque sen jolajoe latisa. Diosi yalaca fe sonba casticaquichunae tinue. Mantaca micariminla niya jolajonunca miilaisa, Jesús tsanque micarinaminue.

San Lucas 11:1

Jesús Diosibe rocainaminue. Jun deinunsileri, yabe penenamin tsachi manca Jesube itsantinue: —Miya, Mumunmin Juan yabe penenaminlaca Diosibe niyaque rocaino jonunca micarinue. Aman nunan chiquilaca rocaino micaride! tinue.

San Lucas 18:12

Tominco cura palu ma Diosichi tenchi ano fitunca imin joyoe. Chunca ticatiya cato, Diosichi manca cuwamin joyoe tichunae tinue.

San Lucas 2:37

Junni ya sonari biuda chuminue ochu chunca junpalu wata tano fecári. Diosichi yabi nechi lotuto, quepen, malon Diosichi tenchi ticatiya quito chuminue. Ano fitunca ito, Diosibe rocaito chumin jominue.

San Lucas 20:47

Juntonan biudalachi yaca nosale josoleminla joe. Junni biudalachi yaca josoleminla jotonan, Diosibe wanca rocaiminlae yape tsachila yalaca meráto sen jolajoe tilatisa. Aman tsanquinun tenchi yalaca nantanancari casticaquichunae tinue.

San Lucas 5:32

Sen jolajoyoe timinlachi tenchi jatucayoe; jutsa quiminlachi tenchi jacayoe tinue yape jutsa quinunca telaquepoto casan tala tenca mancalaquisa. Jesús ya fariséolabe mantaca micariminlabe tsantinue.

San Lucas 5:34

Jesús junca meráto, beconan itsantinue: —Lari casalainamin cuwenta joyoe tinue. Junni casalainanun fiesta quirabi jaminlaca wari ano fitunca isa carituntsan joe casalainamin tsachi yalabe peaconpanainasa. Jun tenchi lari lachi tsachilabe penenasanan, yalaca ano fitunca isa carituntsan joe.

San Juan 1:35

Junni aman ayuna nanchi Juan yachi tsachila palucabe wiruraminlanue.

San Juan 3:25

Junte Juan mumunnasa, yabe penenaminlari israelítalabe cuenta quinaminlanue mumunhinoca.

Mantá Tanla 9:11

Junni Miya Jesucristo Ananíabe quiraito, itsantinue: —Nuri cupato, Júdachi yaca jide! tinue. Ya Júdari Derecha tinun cayebi chue tinue. Junchi jito, Saulo tinunca panhade! tinue. Ya Saulo Tarso pueblobi nechi joe. Yari tsaina labe rocainae tinue.