San Lucas 24:24 - Diosichi Pila

²⁴ Aman jun fiquica merasi, chiquila tala weyanlaman menaranun foroca jito quiranari, Jesús itominue. Sonalachi fiqui tsa jominue tilatie latinue.

San Lucas 24:24 ပူးပေါင်းရင်းမြစ်များ

San Mateo 2:7

Junni Heróderi jun fiquica meráto, mácolaca nosa jasa carito, yalabe sele panhato itsantinue: —¿Nulari ya tsaboca numasi quiralaquiyun? tinue.

San Lucas 24:12

Pedro mantimini wiruito menaranun foroca sujito quiranue. Bontoito menaranun forochi quiraponari, Jesuca lapica jun jalisiri tsominue. Aman junca jera quirato, duque wepanato tenca cade manjinue niyanhica junhunque.

San Lucas 24:23

Junni aman junchi jito, Jesuca itoe tide manjalaie. Junsi yalachi quirajanasa anjelilaca quiralaquiyoe latie tilatinue. Ya anjelilari wari Jesuca pato, ya mansonhica joe tilatitie tilatinue.

San Lucas 24:25

Junni Cleófalari tsantinunsi Jesuri itsantinue: —Nulari tenca itonla joe. Aman matu tote Diosichi mantate paminlari Cristo tinun tsachica duque pila chutelaquinue. Nulari wari yalachi jera fiquica quereitumin tsanni jolajoe tinue.