San Lucas 23:42 - Diosichi Pila

⁴² Junni tsantisi, Jesube itsantinue: —Jesús, nuri Miya itobi, laca mantenhina! tinue.

San Lucas 23:42 ပူးပေါင်းရင်းမြစ်များ

San Lucas 12:8

Junto Jesús itsantinue: —Nulaca tuca payichinayoe: Nulari tsachilaca jeleratuto, la tenchi luratulajona! tinue. Junni tsachilachi cale lachi tsachi joyoe tinilatina! Tsantiminlaca lanan lachi tsachila jolajoe tiyanae. La tsachi ica jun joto Diosichi anjelilachi cale yalaca tsantiyanae.

San Lucas 18:13

Junni fariseo tsantinasanan, inpuesto cala camin tsachi jabile wirurachunae. Aman jamochi quirano lurato, jutsa quinunca telaquepochi tito, Diosibe itsanque rocaichunae tinue: Diosi, lari jutsa quimin joyoe. Laca laquirade! tichunae tinue.

San Lucas 23:41

Tsannan chiquilari puyanola joyoda. Criminalila joto, puyanola joyoe. Ya Jesús mantimini ti culpanantiya itotonan, tsanhinae tinue.

San Lucas 23:43

Junni Jesús yabe manpato itsantinue: —La nube tsarasica pachinayoe tinue: Amanale nechi nuri labe jamochi pansi pechuchunae tinue.

San Lucas 24:26

¿Aman yalari Diosi wenteca Cristo tinun tsachi tsanque padeseichunae ticala jotun? tinue. ¿Jera padeseitobiri duque mantá cachunae ticala jotun? tinue.

San Juan 1:49

Junni Nataniélinan Jesuca Rabí tito itsantinue: —Nu Diosichi Nao joe. Israelítalachi Miya joe tinue.

San Juan 20:28

Junni Jesús tsantinunsiri, Tomari manpato, lachi Miya, lachi Diosi tie.

Mantá Tanla 16:31

Junni Páblola yachi fiquica merasi itsantilatinue: —Miya Jesucrístobe cayaide! Yabe cayainari, nuca se larichunae latinue. Nuchi yabi chuminlanan jeralela jun tsanquenan se lono podeilaichunae tilatinue.

Mantá Tanla 20:21

Israelítalacanan, israelita itonlacanan, jeralelaca micarimin jomanyoe tie. Diosichi ichun jutsa quinunca telaquepoto casan tala tenca mancalaquede! timin jomanyoe tie. Chiquilachi Miya Jesucrístobe cayailaide! timin jomanyoe tie. Tsanque jera micarimin jomanyoe.

1 Juanchi 5:1

Jesuca Diosi ereca Cristo tinun joeque quereiminlari jeralela Diosichi nalala jolajochunae. Junni Apa Diosica laquiraminlari jerale Diosichi nalalacanan laquiralarachunae.