San Lucas 23:34 - Diosichi Pila

³⁴ Junnasa Jesuri itsantinue: —Apa Diosi, yala niyan quilaquinanunca miitolajoe. Junni yalaca perdonaide! tinue. Junni soldadolari Jesuchi camisa tsanlaca cato, yala tala apostaito sorteailainue yaca mo cano jonunca miichun.

San Lucas 23:34 ပူးပေါင်းရင်းမြစ်များ

San Mateo 11:25

Tsantitobi Jesús yachi Apa Diosibe itsantinue: —Apa, jamochinan, tobinan nusiri Miya joe. Junto nu duque miraminlaca nuchi sen fiquica miisa caritue. Nuri tsachilaca laquirato, uyan tala quino tenca cae tinue. Nalala cuwenta miratuminlacari nuchi sen fiquica miino podeisa carie tinue. Jun tenchi nube acradeseinayoe tinue.

San Mateo 5:44

Junni matu tote tsantica josanan, Jesús uyan quiraque pachinayoe tie: Nulaca paiminlacanan laquiralarana! tie. Nulaca yucaquiminlachi tenchinan Diosibe rocailaina! Nulaca pa jominlabe sen jolajona! Nulaca seiton quiminlachi tenchi Diosibe rocailaina! tie. Nulaca Diosichi tsachila jonun tenchi seiton quilaquinari, yalachi tenchinan Diosibe rocailaina!

San Marcos 15:24

Junni quepenan, nuebe tsansite Jesuca corosibi wilocarilaquinue yape puyasa. Junni corosibi wilorasanan, soldadolari yachi panuca, camisaca quitsaleto calaquinue. Apostaito sorteaito miilainue mo yachi tsanpaca cano jonunca.

San Lucas 22:42

itsanque rocainue: —Apa, nuchi munajanari, la padeseino jonunca polarisa tenjae. Tsan josanan, lachi tenca munateri tsanhisa tenjatue. Aman nuchi tenca munateri tsanquisa tenjae tinue.

San Juan 17:9

Junni Apa Diosi, yalachi tenchi nube rocainayoe tie. Nuca tennatuminlachi tenchi rocaitiyoe. Labe cayaisa carica junla, yalari nuchi tsachila jolajoe. Junni yalachi tenchisiri rocainayoe tie.

San Juan 19:11

Junni Jesús itsantinue: —Diosi nuchi mantá cuwaca itomanpari, laca natiya mantano itono jomin jonhoe tinue. Junni laca nuchi cuwapominlari fe culpa talarae tinue.

Mantá Tanla 16:28

Junni tsanhichinasanan, Páblori sonba pato, Tsanhituna! tinue. Jeralelanan chularayoe tinue.

Mantá Tanla 3:17

Aman nulabe nulachi miyalabe Jesuca totesa cuwaponato, miitoto cuwapolaquee tinue. Junca mirayoe tinue.

Mantá Tanla 7:60

Junsi telenhito, sonba pato itsantinue: —Miya Jesús, inlaca in jutsa tenchi culpa quituna! tinue. Junni tsantisi puyanue.

Románolachi 12:14

Crístochi joto, nulaca seiton quiminlachi tenchi Diosibe rocailaina! Seitonlaca padeseisa munaralaratuna! Pansi josa munaralarana!

1 Coríntolachi 2:8

Tsachila tala mantá tanlari junca natiya tenhilaitunue. Junca tenhica jomanpari, tsara sen Miya Jesucrístoca corosibi totesa carino itono jominla jonhoe.

1 Coríntolachi 4:12

Pepaicari chiquilachi tedechi trabajaquiminlayoe cala cachun. Chiquilaca yucacuraminlaca bendesiquiminlayoe. Chiquilaca seiton quiminlaca wantainiiminlayoe.

1 Timotéochi 1:13

Lari casaleri Miya Jesucrístoca yucacurato, yachi tsachilabe seiton jomanyoe. Junni tsancari seiton quinamincanan laca laquirato se larie. Yari miraminhe lari miitoto, yaca tennatuto, tsan jominheque.

1 Pédrochi 3:9

Seiton quiminlacanan beconan seiton quitulajona! Yucacuraminlacanan beconan yucacuratulajona! Te, uyan quiraque nenalarana! Diosiri nulaca seque quichun cayaisa tie. Junni nulanan uyanlachi tenchinan Diosibe rocainola joe yape yalacanan ticatiya seque quisa.