San Lucas 22:42 - Diosichi Pila

⁴² itsanque rocainue: —Apa, nuchi munajanari, la padeseino jonunca polarisa tenjae. Tsan josanan, lachi tenca munateri tsanhisa tenjatue. Aman nuchi tenca munateri tsanquisa tenjae tinue.

San Lucas 22:42 ပူးပေါင်းရင်းမြစ်များ

San Mateo 11:25

Tsantitobi Jesús yachi Apa Diosibe itsantinue: —Apa, jamochinan, tobinan nusiri Miya joe. Junto nu duque miraminlaca nuchi sen fiquica miisa caritue. Nuri tsachilaca laquirato, uyan tala quino tenca cae tinue. Nalala cuwenta miratuminlacari nuchi sen fiquica miino podeisa carie tinue. Jun tenchi nube acradeseinayoe tinue.

San Mateo 20:22

Junni Jesús yalabe beconan pato itsantie: —Nulari miitoto tsanque rocailainae tie. ¿Nulanan la cuwenta pepadeseino podeilaichun? tie. Jesús tsantinunsi, yalari podeilaiyanae tilatie.

San Mateo 26:39

Jesús tsantisi nanni jabile jito, tobi mutsabale telenhito, Diosibe itsanque rocainue: —Lachi Apa Diosi, pode jotori la padeseinoca polaride! Tsan josanan lachi tenca munanan tsanhino muquetue. Nuchi tenca munanan quisa tenjae tinue.

San Mateo 26:42

Junni Jesús tsantisi, manan manjito Diosibe manrocainue. Itsantinue: —Lachi Apa, la padeseinoca polaride! Aman padeseinamincanan polarino jotori, yanan se jochunae. Nu tsanque mantanari, tsanhiyanae tinue.

San Mateo 26:44

Junni Jesús yalachile nechi manjito, Diosibe manan manrocainue jun fiquicanan manpato. Jerale nechi peman ne tsanque rocainue.

San Mateo 6:10

Nu mantananun tsachi bolonca duque serawode! Jamochi nuchi tenca munate quinanun tsannan, in totenan jun tsannan quino muquilaquee.

San Marcos 14:36

Rocainato itsantinue: —Apa Diosi, nu jera quino podeimin joe tinue. Junto jana tsanba pin copaca cuchichinaminca mancanun cuwenta, laca padeseisa caritude! Aman la tsantinasatiya, lachi tenca munate quituna! tinue. Nuchi tenca munateri quiniquina! tinue.

San Lucas 23:34

Junnasa Jesuri itsantinue: —Apa Diosi, yala niyan quilaquinanunca miitolajoe. Junni yalaca perdonaide! tinue. Junni soldadolari Jesuchi camisa tsanlaca cato, yala tala apostaito sorteailainue yaca mo cano jonunca miichun.

San Juan 18:11

Jesús mantimini Pédroca espadaca manpode! tie. Apa Diosi laca padeseisa mantaca jonari padeseiniiyanae tie.

San Juan 4:34

Junni Jesuri itsantie: —Ano tito, tsa ano finoca tsantitiyoe tie. Diosi laca erenato mantaca joe tie jera ti quino jonunca. Junni tsanquino labe ano finun cuwenta joe tie.

San Juan 5:30

Junni Jesús cacuenta quinato itsantie: —Lari tenca mánta natiya quino podeitiyoe tie. Apa Diosica meráto, yachi mantate miimin joyoe tsachila sen jonunca o seiton jonunca. Lachi tenca munateri quitumin joyoe tie. Laca ereminchi tenca munate quimin joyoe tie. Junto tsachilaca miito, seque miimin joyoe tie.

San Juan 6:38

La Diosichibi nechi patato, lachi tenca munate nenabi patatiyoe tie. Laca ereminbe mantaito nenabi patacayoe tie.

Mantá Tanla 21:14

Junni Páblori chiquila payinasanan, natiya merátunan, payino deilaiyoe. Miya Jesucrístochi munate, yape tsanquiniquisa! tilatiyoe.