San Lucas 22:38 - Diosichi Pila

³⁸ Aman yachi tsachilari jun fiquica merasi, itsanlatinue: —Miya, quirade! Palupe espada talarayoe latinue. Aman Jesuri yape josa! tinue.

San Lucas 22:38 ပူးပေါင်းရင်းမြစ်များ

San Mateo 26:51

Yaca chuilainasa, Jesube penenamin tsachi manca yachi espadaca laricato, mantá tan patelechi peyunca espadachi quito punquica balequee.

San Lucas 22:36

Junni Jesús itsantinue: —Meralaquede! Diosichi Pilabi laca jera chuteca jun fiquiri tsarasi patichunae tinue. Junni aman laca criminalilaca cuwenta culpa quilaquichunaeque chuteca joe. Junni tsanque chuteca josanan, jun tsannan ichunae tinue. Jun tenchi amana la nulaca uyan quiraque mantaquechinayoe tinue: Junni cala tatori, calaca tanjilaina! Tolo tatori, yacanan tanjilaina! Espadanan itotori, espada ticatiya calaquina! tinue. Cala itotori, panuca osito espada calaquina! tinue.

San Lucas 22:49

Junni Jesube pejinaminlari niyan quilaquechinanunca tenhilainue. Junca tenhito, Miya, ¿chiquilari yalaca espadachi quintsan junhun? latinue.

San Juan 18:36

Junni Jesús beconan pato, itsantinue: —La in tote miya itoyoe. In tote miya jomanpari, lachi tsachila quicaano jominla jonhoe tinue yape Judas laca israelítalachi cuwapotusa. Tsanni in tote miya itoyoe tinue.

1 Tesalónicalachi 5:8

Tsan jotori tenca tan nenantsan joe. Soldadola cuwenta jolajoichunae. Soldadola poloquin camisa, casco polarachunae isaichun. Tsan punlari pa jominlaca jeleralaratuchunae. Junni chiquilari jun soldadola cuwenta jolajoyoe. Diosica tennato, tsachilaca laquirato nenanola joyoe. Tsanque nenatori, poloquin camisa pun cuwenta jolajoichunae. Chiquilaca Diosi se larichunaequeri tenca cato nenantsan joe. Tsanque nenatori, yucanca jelenasa nenacaituchunae casco pun cuwenta joto.

1 Pédrochi 5:9

Diosica seque tennato, yucanca merátuchique tenfelaina! Padeseinatotiya yucanbe mantaituchique tenfelaina! Jerale tótenan Diosichi tsachila nula cuwenta padeseilainae.