San Lucas 21:36 - Diosichi Pila

³⁶ Junni aman tencabe nenalarana! tinue. Diosibe rocailaina! yape nulaca sonba tenca suwasa jun padeseinunle nechi se lono podeilaisa. La tsachi ica jun jonan, lachi cale wiruinola jochunae. Junni Diosibe rocailaina! lachi cale culpa itoto wiruino podeilaichun. Jesús yachi tsachilaca tsanque micarinue.

San Lucas 21:36 ပူးပေါင်းရင်းမြစ်များ

San Mateo 24:42

Junni tencabe meralarana! tie. Nulari natiya miitolajochunae la nulachi Miya joto ti maca manpatano jonunca.

San Mateo 24:43

O jana tarinminlacanan tenhilaide! tie. Ya tsacuminla miitolajochunae tie numasi quepen tarinquebi jano jonunca. Wari miramanpari, mérato quirano jomin jonhoe yape tarinquebi wiyatusa.

San Mateo 24:44

Junni nulanan jun tsanquenan tencabe méranola jochunae tie la tsachi ica jun manpatano jonunca. Laca manpatatuchunae latinasanan, manpatano joyoe tie. Jesús chiquilaca tsanque micarie.

San Mateo 25:13

Junni Jesús jun cuentaca polaritobi itsantie: —La tsachi ica jun joto manjano joyoe tie ya casalaichinamin unila cuwenta. Junni nula tencabe meralarana! tie. Nula natiya miitolajochunae tie la numasi ti maca manpatano jonunca.

San Mateo 26:41

Nulari Diosibe rocaito, tencabe nenalarana! jutsa quituchun. Nulachi tencabiri seque nenano munaratonan, nulachi pucari cumana jolajoe tinue.

San Mateo 8:20

Jesuri beco manpato itsantie: —Soronantiya foro tamanhe tie catsochun. Pichunan tasen tamanhe tie. La mantimini tsachi ica jun joto, tilenantiya chuno itoyoe tie. Junni labe penenano muquinari, casale duque tenca cano joe tie.

San Marcos 13:33

Junni nulanan miitolajoe tinue la numasi manpatano jonunca. Jun tenchi tencabe nenato, Diosibe rocaide nenalarana! tinue.

San Marcos 13:37

Junni nulabe tsantinato, jeralelabenan jun tsannan tinayoe tinue: Quira quira nenalarana! tinue.

San Lucas 1:19

Junni anjeli itsantinue: —Gabriel joyoe. Diosichi cale wiruramin joyoe tinue. Diosi laca erecae yape in sen fiquica nube cuenta polarisa.

San Lucas 18:1

Junni Jesús in cuentaca polarichinayoe tinue tsachilari pele tenca ituto Diosibe rocainola joeque micarichun.

San Lucas 20:35

Senla mansonhito mantimini uyan quiraque jolajochunae tinue. Aman puyaca jominnan mansonhito, Diosichi nalala jolajochunae tinue. Anjelila cuwenta joto, manpuyatuminla ichunae. Junto jun casan tobi unilala sona mancalaquituchunae. Sonalanan unila manquilaquituchunae tinue.

San Lucas 21:35

Jerale tote chuminlanan tsanquenan padeseinola jochunae.

Mantá Tanla 10:2

Yabe yachi familialabe Diosica respetaito jelerato, seque tenca camin jominlanue. Israelita itotonan, popere israelítalachi tenchi duque cala cuwamin jominue. Diosibe ma cura rocaimin jominue.

1 Coríntolachi 16:13

Tencabe nenato, peleituto Diosica tennalarana! Sonban tenca joto fe lolaina!

2 Coríntolachi 4:14

Diosiri Miya Jesuca mansoncarito, chiquilacanan mansoncarichunae yape Jesube pechularasa. Aman chiquilacanan, nulacanan yabe pechularasa carichunae.

Colósalachi 4:2

Peleituto Diosibe rocailaina! Tenca tan joto, Diosibe acradeseito rocailaina!

1 Tesalónicalachi 5:17

Junsi numasitiya Diosibe rocailaina!

2 Timotéochi 4:5

Nu Timoteo mantimini sen tenca tan nenana! Padeseino patitori, wantainiina! Jesucrístoca paca sen fiquica micarina! yape tsachila yabe cayailaisa. Diosichi mantate ticatiya quino jonunca jera seque quina!

1 Pédrochi 4:7

To jeraino ma queloinae. Jun tenchi tencabe nenato, seque tenca calaquinana! nula Diosibe rocaino podeilaichun.

1 Pédrochi 5:8

Yucan nulaca pa joto, luquela cuwenta atide nenae niyanlacatiya mancato fichique. Jun tenchi seque tenca cato tencabe nenalarana!

1 Juanchi 2:28

Junni nulari lachi nalala cuwenta laca meralaquede! Crístoca puratuto penenalarana! ya manpatanasa luratuchun.

Judas 1:24

Diosiri nulaca cuidaino podeichunae yape jutsa manquilaquitusa. Nulaca jutsa iton suwano podeichunae yape nulari Diosichi urara tsenbi duque son tito wiruralarasa.

Quirajanunca 11:4

Aman Diosichi Pilabi ya paluca tsachilaca paca jominue. Paluca olibo peleca pato, junsi paluca lanpara chutenunca pato, ya paluca tsachilaca tsantica jominue. Ya lampara chutenun jerale tote mantamin Diosichi cale ranunca chuteca jominue. Junni olibo peleca, junsi lampara chutenunca pánato, ya paluca Diosica cuenta polariminlaca tsantica jominue.

Quirajanunca 6:17

Yala paino ma numa fee tilatie. Tsachila monantiya junca wantailaituchunae tilatie.

Quirajanunca 7:9

Aman jun quiranari, manca wa bolon tsachilaca quirayoe. Mituntsancari duque jolajoe. Jerale tobi nechi, jerale tsachi bolonbi nechi, jerale fiqui paminlale nechi tsancari duque jolajoe. Mantamin chudinun caquele, Opisa Nachi caquele wiruralarae. Fibaquin baren camisa pun joto, peso japisunan quiranca tedebi tan jolajoe.

Quirajanunca 8:2

Junni sieteca anjelilaca quirayoe. Diosichi cale ramin anjelila jolajoe. Junni yalachi sieteca tutu cuwae.