San Lucas 21:28 - Diosichi Pila

²⁸ Aman junni jun padeseino ma fenasa, sonba tenca manhilaina! Nulaca se larino ma queloinaeque tenhito, sonba tenca ilaina! tinue.

San Lucas 21:28 ပူးပေါင်းရင်းမြစ်များ

San Lucas 13:11

Aman junbi sona manca bontoica jun jominue. Chunca ochu wata ya sonaca yucanchi ocori tsan suwato taminue. Yari mantuino natiya podeitunue.

San Lucas 18:7

Aman Diosi wenteca junla quepen, malon Diosibe rocaiminla joe tinue. Junni jun comisario seiton jotonan jun biudaca ayudainue tinue. Junni Diosi sen joto, nantanancari ayudaichunae tinue. ¿Yari wanhichunan? Te, Diosi natiya wanhituto, yachi tsachilaca wewe ayudaichunae tinue. Junni tsan josanan la tsachi ica jun joto manpatanasa, tsachilari Diosica seque quereimin itolajochunae tinue.

San Lucas 21:29

Junni Jesús yabe penenaminlaca tsanque micaritobi, man fiquiman micarichun in cuentaca polarinue: —Meralaquede! tinue. Ico peleca, o ti chide pelecatiya tenca calaquede!

Románolachi 8:19

Meralaquinana! Titiya Diosi quica jun cosala jera yucapiyaca joe. Tenca mánta yucapiyaca itoe. Diosi tsachilachi jutsa tenchi ya cosalaca jera yucapiyarintsan joe tito yucapiyarinue. Junni yucapiyarinayoe titonan, tsanleri yucapiyaritunue. Inale jera manse suwachunae. Junni jera manseino mate natiyanan yucapiyatumin, ni petenan itumin jochunae. Diosichi nalala jera senhinan, titiya Diosi quica jun cosala jun tsanquenan jera manse jochunae. Junni jun mate Diosi yachi jerale nalalacanan quirawochunae senla jonunca. Junni Diosi quica cosala jera meralarae yape Diosi yachi nalalaca quirawosa. Yalaca quirachique duque meralarae jera manseichun.

Románolachi 8:23

Diosi quica cosalasiri mératue; chiquilanan tsanquenan meralarayoe jera sen jochun. Diosichi Tenca chiquilachibi wito micarie jun sen mate niyan jono jonunca. Junni jun maca quirachique chiquilachi tencabi padeseinato meralarayoe. Jun mate Diosi chiquilaca yachi nalala joeque piyanlelachi cale quirawochunae. Diosi chiquilachi tencaca se larito, chiquilachi pucacanan se larino joyoe tinue. Junni jun mate chiquilachi pucacanan se larichunae. Junni tsan jono josanan, cacachiri caquiralaquitiyoe. Junto cameralarayoe. Ticatiya wari quiratori mératunoe; numa quiraca jonola joyoe.

Efesolachi 1:14

Chiquila amanari Diosichi Tencaca nasiri tato miintsan joe Diosi chiquilachi jera ticatiya cuwachunaeque. Ticatiya senca cuwachunae yape chiquila yaca Duque sen joe latisa. Junni Diosichi Tencari cala antisipaquica cuwenta joe. Jun calaca nasiri tato miintsan joe jerale calaca cano joyoeque.

Efesolachi 4:30

Diosi yachi sen Tencaca nulachi cuwae yape yachi jolajoyoeque tenhilaisa. Nulaca yachica tanlono fecári yachi Tencaca nulachibi pechusa carie. Junni nulari Diosichi Tencaca tina laqui suwalaquituna!