San Lucas 20:8 - Diosichi Pila

⁸ Junni Jesuri lanan nulabe pátiyoe tinue la mochi mantate micarinanunca.

San Lucas 20:8 ပူးပေါင်းရင်းမြစ်များ

San Mateo 15:14

Junni yalaca telaquinilaquede! tie. Jana tsachi manca quirano podeiton jotonan, manca quirano podeitonca minu micuwanaminnan, palunan forochi queereilaichunae tie. Junni fariséola ya quirano podeitonla cuwenta jolajoe tie.

San Mateo 16:4

Nula piyanlela seitonla joto, Diosica puracala joe unilaca puramin sona cuwenta. Junto wepanato quirantsancari seque quinaminca quirachi tilatinae tie. Nulari junca natiya quirano podeilaituchunae tie. Junni nulari laca tsa miino muquilaquinari, matu to Jonaca tenca calaquede! tie. La Jonás cuwenta ino joyoe. Junca quirato nulari miintsan jochunae tie. Jesús tsantisi, jito polee.

San Mateo 21:27

Junni mantaminlari tsanque tenpatobi, Jesube manpato itsanlatie: —Miituntsan joe latie. Mumunmin Juan Diosichi mantate mumunnamin jonunca, o tsachilachi mantate mumunnamin jonunca miituntsan joe latie. Junni Jesuri lanan nulabe pátiyoe tie la mochi mantate micarinanunca.

San Marcos 11:33

Jesube itsantilatinue: —Miituntsan joe latinue. Mumunmin Juan Diosichi mantate mumunnamin jonunca, o tsachilachi mantate mumunnamin jonunca miituntsan joe tilatinue. Junni israelita mantaminlari tsanlatinunsi, Jesuri yalabe itsantinue: —Junni lanan nulabe pátiyoe tinue mochi mantate micarinanunca.

San Lucas 20:7

Junni mantaminlari tsanque tenpatobi, Jesube itsanlatinue: —Te, miituntsan joe latinue. Mumunmin Juan Diosichi mantate mumunnamin jonunca, o tsachilachi mantate mumunnamin jonunca miituntsan joe tilatinue.

San Lucas 20:9

Junni Jesús israelita mantaminlabe tsanque cuenta polaritobi, jeralelabe man cuentaman polarinue. Itsantinue: —Diosiri wita tsacumin cuwenta jochunae tinue. Aman casale casaleri ya tsachiri uba wita quisa carichunae tinue. Junni wita quisa carisi, tsachilachi quitsa quitsa cachun cuwato, bare toca numari chubi jichunae.

San Lucas 22:68

O la nulabe ticatiya panhanari, nulari natiya tulanlaquituchunae, nin laca manlarilaquituchunae tinue.