San Lucas 20:24 - Diosichi Pila

²⁴ —Inpuesto cuwanun calaca lachi quirawolaquede! tinue. Aman calaca quirawonan, calaca quirato itsantinue: —¿In calabi mochi misu, mochi mumun chun? tinue. Junni Jesús tsantinan, yalari Ya romano miyachi joe latinue.

San Lucas 20:24 ပူးပေါင်းရင်းမြစ်များ

San Mateo 18:28

Junni ya peyun mantimini miyachibi nechi manlonaminnan, manca peyun pejominca quirachunae. Yari miya perdonaicachi cala nasi nacá neloramin jochunae tie. Junni yaca cudanle betepole cato, pacara manquede! tichunae tie.

San Mateo 20:2

Junni peyunlaca cato, man malon quinun tenchi pacara queyanae tichunae.

San Mateo 22:20

Jesuri jun calaca quirato itsanque panhae: —¿In calabi mochi misu, mochi mumun chunan? tie.

San Marcos 12:16

Junni cala manca tanjanan, Jesuri jun calaca quirato, itsanque panhanue: —¿In calabi mochi misu, mochi mumun chun? tinue. Jesús tsantinan, yalari ya romano miyachi joe tilatinue.

San Lucas 2:1

Ya Mumunmin Juan tsotsoca na cajosanan, jun to miya casale nechi jerale tsachilaca milaquisa mantanue. Fe mantá tan miya, Augusto César mumun, ya tsanque mantanue. Cirenio tinun tsachi Siria tobi miya josanan, Augusto César tsanque mantanue.

San Lucas 20:22

Aman Jesube tsantisi, jerale toca mantamin romano miyaca panhato itsanlatinue: —¿Chiquilari ya uyan to miyachi inpuesto cala cuwanola join, o cuwanola itoin? latinue.

San Lucas 20:23

Junni Jesús tenhinue yaca falta patarichiqueri tsanlatinaeque. Junto aman yalabe itsantinue:

San Lucas 20:25

Junni Jesús itsantinue: —Tsan jonari, cobierno miyachi cosateri yaca meralaquina! Aman Diosichi cosateri Diosica meralaquina! tinue.

San Lucas 23:2

Junni Jesuca culpa quechiqueri itsanlatinue: —In tsachiri jerale israelítalaca seiton suwanae tilatinue. Nulachi miyaca merátuto, nin inpuesto calaca cuwatusa timin joe. Aman nulachi miyaca merátuto, yanan Cristo tinun miya joyoe timin joe latinue.

San Lucas 3:1

Zacaríachi nao Juan tinun niyanlanantiya chutunun postote chumin jominue. Junni junbi chuminca Diosi yachi fiquica pasa tinue. Aman fe mantá tan miya Tiberio César chunca mante wata mantanasa, tsantinue. Aman Tibériochi mantateri manca tobi manca tobi mantaminlari itsanque jominlanue: Aman Judea tobi Poncio Pilato, Galilea tobi Herodes, Iturea tobinan Traconite tobinan yachi aco Felipe, Abilinia tobi Lisanias, yala miyala jominlanue. Junni aman Anásiobe Caifabe fe mantá tan patelelari jominlanue. Aman yala mantalaquinasanan, ya Juan Diosichi fiquica micaribi janue.

Mantá Tanla 26:32

Junsi Agripa Féstobe itsantinue: —Pablo románolachi fe mantá tan miyachica eresa rocaica itomanpari, yaca manlarino podeino jominla joinhie tinue.

Filípolachi 4:22

Junsi jerale Diosichi tsachilanan nulachi saludo peerelaquinae. Junni aman fe mantá tan miyachi tenchi trabajaquiminlanan weyanlari Jesucrístobe penenaminla joe. Junni yalanan nulachi fécari saludo peerelaquinae.