San Lucas 2:34 - Diosichi Pila

³⁴ Junni Simeón yalacanan seque pato, ya nachi ayan Maríabe itsantinue: —Meráde! tinue. In na tenchi duque israelítala epe tsachi ilaichunae. Uyanla ya tenchi fécari sen ilaichunae tinue. Layanla yabe miituchi tito, duque seitonque palaquichunae tinue.

San Lucas 2:34 ပူးပေါင်းရင်းမြစ်များ

San Mateo 11:19

Aman la mantimini tsachi ica jun joto Juan cuwenta nenatiyoe tinue. Lari ano fin, bino cuchin, pequimanyoe tinue. Junni lacanan paito, jilu, junsi winan timinlae. Jutsa quiminlachi amico, tsan quiran inpuesto cala caminlachi amico joe timinlae laca. Diosi mantimini ya seiton curaminlaca natiya tennatue tinue. Yabe tsa miica junla niyaque nenaminlaca quirato miintsan jochunae tinue Diosi sen joeque. Jesús tsantinue.

San Mateo 12:46

Jesús yalabe cacuenta quinasanan, yachi ayanbe yachi acolabe jalaie. Urachi raminlanue yabe cuenta quechique.

San Mateo 21:44

Junni Jesús Diosichi Pilabi chutecaca tsanque manpato, la jun su cuwenta joyoe tie. Junni jun subi tutulaito quepoiminla cojilaichunae tie. Jun su jamo queereinari, dilaito puyalaichunae tie.

San Mateo 27:63

itsanlatinue: —Miya Pilato, Jesús casonnaminnan, duque nene pamin jominue latinue. Yari puyatonan, peman mate mansonhiyanae ticae latinue. Chiquilari jun fiquica mantenhito, nuchica jalainayoe latinue.

San Lucas 2:35

In nabe duque tsachilachi tencaca miintsan jochunae tinue. Seque tenca camin jonunca, o seitonque tenca camin jonunca miintsan jochunae tinue. Junsi nuchi tencabinan duque laquiichunae tinue espada polarica cuwenta.

San Juan 5:18

Junni ya fiquica meráto, israelita mantaminlari nantanancari pailainue. Jesús jasaino mate tennatumin jotonan, junsi Diosica “Apa” tinitinue. Diosica “Apa” tinato, yari Diosibe parejo joyoe tinaminue. Jun tenchi yaca nantanancari totechi tinaminlanue.

Mantá Tanla 13:45

Junni israelítala duque tsachila layaicaca quirato mantimini wepanato pailainue. Tsachila yalaca puratuto, Páblolabe penenalaratusa pailainue. Junto Pablo cuenta quinaminca nene joe tito, epele palaquinue yape tsachila israelítala micarinanunca telaquepolaquitusa. Pábloca duque seiton fiqui pánaminlanue.

Mantá Tanla 17:6

Junni Páblolaca Jasónchibi fetuto, Jasóncari calaquinue. Jun pueblobi fe mantá tanlachica Jasonca tanjilainue. Weyan Jesucrístochi tsachilacanan petanjilainue. Junni mantaminlabe duque sonba pato itsanlatinue: —Páblolari jerale tote tsachilachi tencaca jera pala suwaminla joe latinue. Junsi inchinan tsanquenan pasuwabi jacala joe latinue.

Mantá Tanla 24:5

Chiquilari in tsan quiran Páblocari tuca miralarayoe. Duque pa muquiminhe. Jerale tote israelítalaca seiton suwamin joe yape yala tala pa tala nenalarasa. Jesús Nasareno tinunbe penenaminla tala mantamin joe.

Mantá Tanla 28:22

Aman Jesucristo tinunbe penenaminlaca meracalayoe. Aman jerale tote nulaca seitonhe latie. Junni nu niyan tinunca meráno muquilaquee latie.

Mantá Tanla 4:26

Uyan to miyalanan layailaichunaeque chutenue Diosibe quicaachun. In to mantaminlanan layailaichunaeque chutenue. Miya Diosica pachi, ya wenteca jun Cristo tinunca pachi layailaichunaeque chutenue.

Mantá Tanla 6:7

Junni nantanancari tsachila Diosichi fiquica miinaminlanue. Tsanhinato Jerusalenbi duque Jesucrístobe penenamin ilainue. Duque israelita patelela jominlanan Jesucrístoca meráto cayailainue.

Románolachi 9:32

¿Junni niyaito podeilaitunun? Crístobe cayaituto, yalachi sonbaberi tenfelainue. Junto podeilaitunue. Diosichi Pilabi junca chuteca joe. Itsanque joe: Tsachi manca israelítalachibi su tsoreca cuwenta rachunaeque chuteca joe yape jun subi tutulailaisa. Diosi yaca tsorechinayoe tinueque chuteca joe yape jun subi tutulailaisa. Ya tsachibe cayaiminla mantimini natiya luralaratuchunaeque chuteca joe. Junni israelítala yaca quereituto, tenca mántanan seichique tenfenato, jun subi tutulailainue.

1 Coríntolachi 1:23

Chiquila mantimini micarinato, Cristo corosibi puyaca jonunca micariminlayoe. Junni israelítala jun fiquicari merátori, natiya cayaituchi timinla joe. ¿Ti quira corosibi puyaminbe cayaino jocaichinan? tito cayaituchi timinla joe. Israelita itonla mantimini chiquilachi fiquica meráto, yalanan cayaituchi timinla joe. Ya micaya fiqui itoe tito cayaituchi timinla joe.

Israelítalachi 7:1

Jun Melquisedec tinun tsachiri Salem tinun pueblobi miya jominue. Junsi Melquisedec patelenan jominue fe mantá tan Diosichi tenchi. Junni matu to Abraham uyan miyalabe quera quicaato fe loto manjanaminbe Melquisederi tulaito, Abrahanca bendesiquinue.

Israelítalachi 7:7

Junni jeralela miralarayoe bendesiquimin tsachiri bendesiquica jun tsachica fe mantá tan joeque. Junni Abraham duque mantá tan josanan, Melquisederi yaca fe mantá tan patinue.

1 Pédrochi 4:14

Nulaca Crístochi jonun tenchi yucacuralaquinari, son tilatina! Diosichi tsara sen Tencari nulachi tencabi perachunae. Uyanlari Crístoca seitonque paminla josanan, nulari yaca se timinla joe.