San Lucas 18:23 - Diosichi Pila

²³ Junni ya tsachiri Jesuchi fiquica meráto, duque laquiinue. Yari duque ticatiya tan tsachi jominue.

San Lucas 18:23 ပူးပေါင်းရင်းမြစ်များ

San Mateo 19:22

Junni ya tsachi jun fiquica meráto, duque laqui manjie. Yari duque oco tsachi jominue.

San Marcos 10:22

Jesús tsantinan, ya tsachiri Jesuchi fiquica merátuchique duque laqui manjinue. Yari duque oco tsachi jominue.

San Lucas 12:15

Junni Jesús ya tsachibe tsantisi, jeralelabe itsantinue: —Aman fécari ticatiya tanla fe pansi itolajochunae tinue. Junto aman tencabe nenalarana! uyanla tanunca natiya munaito quiratuchun.

San Lucas 18:22

Junni Jesús junca meráto itsantinue: —Nuri man cosa quino cajoe tinue. Nu ticatiya tanunca jera osito, poperelachi cuwana! Aman tsantori, nu Diosichi tobi duque senca tachunae tinue. Junto aman calaca jera cuwatobi, lachica manjato labe penenana! tinue.

San Lucas 18:24

Junni Jesuri ya tsachica seque quirato, itsantinue: —Fe oco tsachilari Diosi mantananun tsachi bolonbi pewino duque tenfe jochunae tinue.

San Lucas 19:8

Junni Zaqueo mantimini wiruito, Miya Jesube itsantinue: —Miya, meráde! tinue. La tanunca man quitsa poperelachi cuwachinayoe tinue. Junsi encanato tarinca junlachi junpalu tsansi mancuwachinayoe tinue.

San Lucas 21:34

Junni nulari tencabe nenalarana! tinue. Fiesta quito, polencari ano fito, winan ito seitonque nenatori, pele tenca ilaichunae. Ticatiya fe tachique wepanato nenatori, pele tenca ilaichunae. Junni junca tencabe nenalarana! pele tenca ituchun. Jana tsachilari la poca junbi moorari pichu cayaimanhe. Junni jun cuwentanan pele tenca tanlari jun mate moorari padeseino patilaichunae tinue.

San Lucas 8:14

Weyanlachi tencari tsala to cuwenta jolajochunae. Aman yalari Diosichi fiquica meráto, niyaque sonnano jonunca, cala cano jonunca, pansi nenano jonunca wepanato nenalarachunae tinue. Junto peleito, jera sen itulajochunae tinue.

Efesolachi 5:5

Nulari inca numa seque jera miralarae: Uyan sonalabe seitonque nenaminla, o seitonque tenca caminla, o uyanlachi cosaca munaito quiraminlari, Diosi mantananun tsachi bolonbi pewino podeilaituchunae Crístochibi. Uyanlachi cosaca munaito quiraminlari seiton jolajoe epe diosi joe tinun moldechi cale telenhiminla cuwenta.

Filípolachi 3:8

Junni lachi Miya Jesucrístobe cayaito nenano duque se joe. Uyan tala nenanoca tsaracari fécari se joe. Jun tenchi lari tenca mántanan sen jochique tenfenanunca jera telaquepocayoe yabe cayaito nenachun. Jesucrístochi tenchi junca jera piyariniquiyoe. Tiri petseca cuwenta jera telaqueponiquiyoe yachi jochun.

Colósalachi 3:5

Puyacalari wari jutsa quituminla joe. Junni nulanan puyacala cuwenta jotori, Diosichi itonlachi mite nenanoca telaquepolaquede! Uyan sonalabe o uyan unilalabe nosa seitonque nenalaratuna! Sonalaca seitonque munaito quiralaquituna! Cano itonunca cachi titulajona! Uyanlachica munaito quiralaquituna! Uyanlachica munaito quiraminlari seiton jolajoe diosi joe tinun moldechi cale telenhiminla cuwenta.

1 Juanchi 2:15

In tote cosalaca laquiratulajona! Jerale tote chuminlari Diosica tennatuto seitonque nenalarae. Yalachi tenca munateri nenalarae. Uyanchi sonalaca munaito, jilu joto, quiratuntsanca quirato, nenaminlae. Junsi mantá tan jochi timinlae. Junsi oco ichi timinlae. Uyanlaca fe joyoeque tenca cato nenaminlae. Juntonan nulari tsanque nenanoca laquiratulajona! Tsanque seitonque nenanoca laquiraminla jotori, Apa Diosica natiya laquiratuminla jochunae.