San Lucas 18:19 - Diosichi Pila

¹⁹ Jesuri yaca meráto, beco manpato itsantinue: —¿Niyaito laca sen joe tiyun? Diosisiri sen joe.

San Lucas 18:19 ပူးပေါင်းရင်းမြစ်များ

San Lucas 1:35

Junni anjeli manpato itsantinue: —Diosichi Tenca nuchica jachunae tinue. Diosi fécari mantá tan joto, nuca poyochi cuwenta dochunae tinue. Junnan ya sen náca Diosichi Nao tinun jochunae tinue.

San Lucas 11:13

Aman tsachilari seiton tenca tanla jotonan, nalalachi senca cuwaminla joe. Junni nulachi Apa Diosi mantimini sen tenca tan joto, yanan yabe panhaminlachi fécari senca cuwachunae. Aman yalachi tencabi yachi Tencaca cuwachunae tinue.

San Lucas 18:18

Junni aman mantamin tsachi manca Jesube itsantinue: —Nu sen joto micarimin joe; junto labe pade! tinue. Lachi numatotiya Diosibe sonnato poleno muquee. ¿Junni lari niyan quino jowan? numatotiya sonnato polechun.

San Lucas 18:20

Aman nu Diosichi mantaca mirae tinue. Uyan sonalabe nosa seitonque nenatulajonaque, tsachilaca totelaquitunaque, tarinlaquitunaque, uyanlaca nene patulajonaque, apabenan ayanbenan sen jolajonaque mantaca joe tinue.

1 Timotéochi 3:16

Junni chiquila quereinun fiquiri tsaracari merántsan fiqui joe. Tsachila miitonunca Diosi chiquilaca miisa carie. Yari itsanque joe: Jesucristo tsachi ica jonunca Diosi quirawonue. Ya sen jonunca Diosichi Tenca panue. Ya nenaminca anjelila quiralaquinue. Ya se larimin jonunca yachi tsachila jerale tote chuminlaca merawolaquinue. Ya se larimin jonunca tsachila quereilainue. Ya jamochi manloca jonan, Diosi yaca urara tsente manchusa carinue.

Israelítalachi 7:26

Junni Jesús, yari chiquila munaranun mantá tan patele joe. Yari tsara sen joto, natiya culpa itoe. Jutsa quiminla cuwenta natiya nenatuminue. Junni Diosiri yaca yoquidole nechi fe jamochi tanloca joe.

Santiago 1:17

Diosisiri jera senca cuwamin joe. Yari yoca, peca, tsaboca quimin joto, yalari canbiyaiminla jonan, yari canbiyaitumin joe. Yasiri jera senca cuwamin joe.