San Lucas 18:12 - Diosichi Pila

¹² Tominco cura palu ma Diosichi tenchi ano fitunca imin joyoe. Chunca ticatiya cato, Diosichi manca cuwamin joyoe tichunae tinue.

San Lucas 18:12 ပူးပေါင်းရင်းမြစ်များ

San Mateo 5:20

Meralaquinade! Aman israelítala tala mantaca micariminlaca tenca calaquede! Nulari yalaca fe sen jonola jochunae. Fariseo tinunlacanan fe sen jonola jochunae. Yalaca fécari Diosichi mantaca merátutori, Diosi mantananun tsachi bolonbi numanan wino podeilaituchunae tie. Jesús tsanque micarie.

San Mateo 6:1

Junni Jesuri camicarinato itsanque micarie: —Weyan tsachilari titiya seque quinatori, uyanla quirasari quiminla joe yape sen jolajoe tilatisa. Junni nulachi Apa Diosi mantimini nulachi premio tsanca natiya cuwatuchunae tsanque jamoleri seque quiminla jonun tenchi.

San Mateo 6:16

Junsi Jesús camicarinato itsantie: —Fe sen joyoe timinlari Diosichi tenchi ano fitunca itori, epenan tsanhiminla joe. Yalachi caforo duque laquinan quiran iminlae yape uyanlari yalaca quirato miilaisa ano fitunca ilainaeque. Tsanhiminlari Diosichi tenchi tsanhituminlae. Tsachila quirasari tsanhiminlae yape yalaca quirato sen jolajoe tilatisa. Meralaquede! Yalari sen jolajoe tinaminlaca meráchique tsanhiminla joe. Junni sen jolajoe tinanunca meránunberi polelaichunae. Yala cachi tinun premioca numa cayala jonan, Diosi yalachi nantari cuwatuchunae tie. Nula mantimini yala cuwenta itolajona! tie.

San Mateo 6:5

Junsi Jesuri itsanque micarie: —Tencachique fe sen joyoe timinlari tsachila quiralaquisari Diosibe rocaiminla joe. Diosichi fiqui miinun yabi, o cayete tiletiya Diosibe rocainiiminlae yape jeralela yalaca quirato sen jolajoe tilatisa. Meralaquinade! Yalari sen jolajoe tinaminlaca meráchique tsantiminla joe. Junni yalari senla joe tinanunca meránunberi polelaichunae. Yala cachi tinun premioca numa cayala jonan, Diosi yalachi nantari cuwatuchunae. Nula mantimini yala cuwenta itolajona!

San Mateo 9:14

Junni aman Mumunmin Juanbe penenaminla Jesúchica jato yabe panhato itsanlatie: —Chiquila israelítalachi mite nenato, pansile ano fitunca iminlayoe. Fariséolanan jun tsannan iminlae latie. Aman nube penenaminla mantimini finiquiminla joe latie. ¿Niyaito yalari finiquiminla jun? tilatie.

San Lucas 11:42

Aman nula fariséolari tsan jonun tenchi duque padeseilaichunae. Diosichi mantaca meráminlayoe tito, ti tanuncatiya Diosichi nasi cuwaminlae. Diosi tsanquisa mantánan, nulari chunca ticatiya cato, Diosichi manca cuwaminlae tinue. Aman danun tape nacá jerale, menta tinun tape, ruda tinun tape nacalaca cuwaniquiminla joe narin nacá jomincatiya. Aman jun mantaca meráminla jotonan, Diosichi fe merántsan mantaca nulari natiya tennatuminlae. Encanalaquituna! tinunca, Diosica laquiralarana! tinunca natiya tennatuminlae tinue. Diosichi weyan mantaca telatuminnan, jun fécari merántsan mantaca meráno jominlanue.

San Lucas 17:10

Junni nulari Diosichi peyun cuwenta jolajoe tinue. Junto Diosi jera mantaca junca quitonan, sen jolajoyoe tituntsan jochunae tinue. Mantanuncasiri quito sen peyunla itolajoyoe tintsan jochunae tinue.

Románolachi 3:27

Diosi chiquilaca tsanque se larimin jonari, ¿junni chiquilari ti quichun sen jolajoyoe ticaichunan? Te, tsantino podeituntsan joe. Tenca mánta seque quinun tenchi Diosi chiquilaca sen jolajoe tino jomanpari, junni chiquilanan sen jolajoyoe tino jominla joinhie. Tsannan Jesucrístobe cayainun tenchi chiquilaca se larino jonari, chiquilari natiya tsantino podeilaitiyoe.

1 Coríntolachi 1:29

Diosi tsanquimin joe yape mo tsachinantiya yachi cate fe joyoe tilatitusa.

Galácialachi 1:14

Israelítala tala matu tatalachi miteri nenachique duque tenfemin jomanyoe. La tsansi unicala tala israelítalachi mica fécari miica jomanyoe.

1 Timotéochi 4:8

Chiquilachi puca sonba ichun tenfeno se jocachiri se jochunae capuyatuminnan. Aman sen tenca ichique tenfeno mantimini fécari se jochunae. Capuyatuminnan se joto, puyatobinan Diosibe sonnato se jochunae.