San Lucas 16:8 - Diosichi Pila

⁸ Junni aman patronni junca miichunae tinue. Junni junca miito, ya seiton mayordomoca tenca oco jocachiri jominue tichunae tinue. Junni Jesús yachi tsachilaca tsanque micarisi, itsantinue: —Diosica tennatuminlari ya mayordomo cuwenta jolajoe tinue. Yala tala necosio ticatiya quinato, Diosibe penenaminlacari fécari tenca oco jolajoe tinue.

San Lucas 16:8 ပူးပေါင်းရင်းမြစ်များ

San Mateo 17:26

Pédrori jun fiquica meráto, uyan tobi nechi jaminlacari calaquichunae tie. Junni Jesús itsantie: —Tsan jonari chiquilari Diosichi tsachila joto, Diosichi yabi inpuesto cala cuwano itolajoyoe tie.

San Lucas 16:10

Meralaquede! Mica itonunca seque cuidaiminlari mica jonuncanan seque cuidailaichunae. Mica itonunca tarinminlari mica jonuncanan tarinlaquichunae tinue.

San Lucas 16:4

Aman mirayoe tichunae tinue ti quino jonunca. La tenca oco jonari uyanla laca facarilaquichunae mayordomo manloca mate.

San Lucas 16:7

Junni aman mancabenan jun tsanquenan panhachunae: ¿Lachi patronchi nisi nelorayun? tichunae. Aman yari patsa quintali trico nelorayoe tichunae tinue. Junni mayordomori itsantichunae: Patsa neloratonan, ochu chuncacari mancuwana! Nen, nuchi letra cade! Patsa chuminca piyarito, ochu chuncari manchutede! tichunae tinue.

San Lucas 18:6

Junni Miya Jesús jun cuentaca polaritobi, itsantinue: —Seiton comisario paca jun fiquica meráto, tenca cato miilaide! tinue.

San Lucas 20:34

Aman jun fiquica meráto, Jesús itsantinue: —In tote sonnaminla unilalanan, sonalanan cayaacaiminla joe tinue.

San Lucas 20:35

Senla mansonhito mantimini uyan quiraque jolajochunae tinue. Aman puyaca jominnan mansonhito, Diosichi nalala jolajochunae tinue. Anjelila cuwenta joto, manpuyatuminla ichunae. Junto jun casan tobi unilala sona mancalaquituchunae. Sonalanan unila manquilaquituchunae tinue.

San Juan 12:36

Junni catse josanan, tseminbe cayailaide! tie Diosichi tsente nenaminla jochun. Jesús tsantisi manjito poleto, tsaito chuminhe.

1 Coríntolachi 3:18

Diosica tennatuminlari weyanlaca tsara miraminla joe latichunae. Diosi mantimini yalaca miratuminla joe tichunae. Junca Diosichi Pilabi itsanque chuteca joe: Seiton quinoca tenca tanlaca Diosi casticaquimin joeque chuteca joe. Junni tencachique encanailaituna! Tsachila tala tsaracari mirayoeque tenca caminlari wari jun miranunca telaquepoto, tenca iton cuwenta inola jochunae Diosichi cosaca tsarasica miramin jochun.

Efesolachi 5:8

Casaleri nulachi tencabi jutsa poto, tencabi nemen jominlanue. Tsan jominlaca Miya Jesucristo nulachi tencaca jera tsen mansuwanue. Aman tsente nenaminla joto, seque nenalarana!

Filípolachi 3:19

Diosiri yalaca jera casticaquichunae. Diosicari tennatuto, finocari tennaminla joe. Lu tintsan jonunca pánatonan, se joe tito, pansi jonilajoe. Diosichi tobi jomincari natiya tennatuto, in tote jomincasiri tennaminla joe.

1 Tesalónicalachi 5:5

Nulari Diosichi tsente nenato, tenca nemen nenatuminla joe. Nula tenca calaquede! Catsominlari quepen catsolaimanhe. Winan iminlari quepen winan ilaimanhe. Junni Jesucrístobe penenatuminlachi tenca jun tsanquenan jolajoe. Yalachi tenca catsoto, winan ica cuwenta jolajoe. Chiquilari tsanque nenalaratuntsan joe. Son cuwenta nenanola joyoe. Quepen nenaminla cuwenta itolajoyoe; malon nenamin cuwenta tsente nenaminlayoe.

1 Pédrochi 2:9

Junni nulari tsara mantá tan sen patelela jolajoto, Diosi wenteca sen bolon tsachila jolajoe. Diosichi tsachila jotori, yari tsara se quimin joeque cuenta quinola jochunae. Yucanbe canenaminlanan, nemen minu cuwenta seitonque nenamin jominlanue. Junni Diosi nulaca nemenbi nechi manlaricato, yachi uraran tsenbi seque penenasa carinue.

1 Juanchi 3:10

Tsanque miintsan jochunae mola Diosichi nalala jonunca, mola yucanchi nalala jonunca. Seque nenatuminlari Diosichi itolajochunae. Acolaca laquiratuminlanan Diosichi itolajochunae.