San Lucas 16:10 - Diosichi Pila

¹⁰ Meralaquede! Mica itonunca seque cuidaiminlari mica jonuncanan seque cuidailaichunae. Mica itonunca tarinminlari mica jonuncanan tarinlaquichunae tinue.

San Lucas 16:10 ပူးပေါင်းရင်းမြစ်များ

San Mateo 24:45

Junni Jesuri chiquilaca camicarinato itsantie: —Jana mayordomolaca tenca calaquede! tie. Ya tsacumin uyanchi jichinato mayordomoca mantachunae peyunlaca cuidaito ano cufin, titiya quin, quisa. Junni nulari lachi mayordomola cuwenta jolajochunae tie. Junni mayordomola senla jolajotori,

San Mateo 25:21

Junni patronni yaca se tichunae. Nu sen peyun joe tichunae. Nasi calaca seque necosio quinue. Junnan nuca fécari mantá tan suwachinayoe tichunae. Labe pansi jona! tichunae tie.

San Mateo 25:23

Junni patron yacanan se tichunae. Nu sen peyun joe tichunae. Nasi calaca seque necosio quinue. Junnan nuca fécari mantá tan suwachinayoe tichunae. Labe pansi jona! tichunae tie.

San Lucas 19:17

Junni miyari junca meráto, nuri seque quinue tichunae tinue. Sen peyun joe. Nuri nasiri calaca seque cuidaimin jominca cobernadori suwachinayoe. Nuri chunca puebloca mantamin jochunae tichunae tinue.

San Juan 12:6

Junni Júdari tsantinatonan, poperelaca laquirato tsantitue. Yari chiquilachi calaca cuidaimin jotonan, tarinmin jominue. Ya cala senaminca pansile tarinmin jominue.

San Juan 13:27

Ya bibuca canunsi, yucan Júdachibi winue. Junni Jesús yabe itsantie: —Ti quino jototiya, we quiniquede! tie.

Israelítalachi 3:2

Junni Moisécanan tenca calaquede! Diosi matu mate yachi mantá cuwanue. Yari jun mantaca merámin joto, Diosichi yabi ticatiya mantaca junca quimin jominue. Junni Jesucrístonan merámin joto, yanan jera seque quimin jominue.