San Lucas 15:24 - Diosichi Pila

²⁴ Lachi nao puyaca jominnan, mansonhica cuwenta joe. Topiyaca nenato manfae tichunae tinue. Junni fiesta quilaquichunae.

San Lucas 15:24 ပူးပေါင်းရင်းမြစ်များ

San Mateo 8:22

Jesús mantimini yabe itsantie: —Yala puyaca cuwenta junlari yala tala menailaichunae tie. Nuri junca tennatuto labe penenana! tie.

San Marcos 8:22

Junsi Jesúlari Betsaida pueblobi felainue. Junnasa quirano podeiton tsachica Jesúchica tanjalainue. Junto taquirato manse suwasa duque rocailainue.

San Lucas 10:19

Junni meralaquinade! La nulachi jera mantá cuwacayoe seitonlacanan fe lolaisa. Weyan tsachila pini cuwenta o tepin cuwenta seitonla josanan, yalaca fe lolaichunae tinue. Yucan titiya seiton quinanuncatiya nulanan fe lono mantá talarachunae tinue. La nulaca isaiyanae tinue yape nulaca tinantiya seiton quilaquitusa.

San Lucas 15:23

Mulu suwanaca jun walaca tanjato totelaquede! Ano fito, fiesta quilaquisa! tichunae tinue.

San Lucas 15:25

Junnasari ya tsachichi caque nao itochunae tinue. Witabi nenachunae tinue. Junni ya manjanato, musica meráchunae tinue. Teranaminlacanan meráchunae tinue.

San Lucas 15:32

Junni wepanatuna! Inni nuchi aco joe. Puyaca cuwenta jominnan, mansonhica cuwenta joe. Topiyato nenato manfae. Junni jun tenchi son tito fiesta quino joda tichunae tinue. Jesús tsanque cuenta quito micarinue.

San Lucas 15:4

—Patsa opisa tan tsachi opisa mancaca piyaritori, moora manneyabi jichunae tinue. Weyan opisaca epele purato, topiyato nenaminca manneyabi jichunae tinue yaca manfeno fecári.

San Lucas 9:60

Jesús mantimini ya tsachibe itsantinue: —Yala puyaca cuwenta joto, yala tala menailaichunae. Nuri junca tennatuto, Diosi ya mantananun tsachi bolon suwanaeque micaribi jina! tinue.

San Juan 11:25

Junni Jesunan beconan pato itsantie: —Lari sonnasa carin, junsi puyaca junlaca mansonhisa carin, quimin joyoe tie. Labe cayaica junlari puyaca jominnan mansonhilaichunae tie.

San Juan 5:21

Meralaquede! tie. Puyacalaca Apa Diosiri mansonhisa carimin joe. Junni yachi Nao joto lanan mansonhisa carimin joyoe tie. Lari mansoncarino munaranunlaca manson carimin joyoe tie.

Románolachi 11:15

Israelítala Diosica telaqueponan, israelita itonlachi tenchi se patinue Diosibe cayailainan. Junni israelítalanan Diosibe mancayailainari, fécari se patichunae. Puyaca junla mansonhilaichunae.

Románolachi 12:15

Son timinlabe son tilatina! Laquichi wareminlabe pewarelaquina!

Románolachi 6:11

Junni nulanan jutsa quechinatori, itsanque tenca calaquina! Puyaca cuwenta icayoeque tenca calaquina! Junsi puyaca cuwenta ito, jutsa quitumin jonola joyoeque tenca calaquina! Junsi chiquilachi Miya Jesucrístochi joto, Diosichi tenchi sonnano jolajoyoeque tenca calaquina!

Románolachi 6:13

Nulachi tede, nede, misu, caca, fiqui foro, titiya jera nulachi eramienta cuwenta joe. Junni eramientalaca jutsachi cuwapotuna! yape seiton quisa caritusa. Diosichi cuwapona! yape ticatiya sen quisa carisa. Nulachi tenca puyaca cuwenta jominca Diosi mansoncarinue. Junni yabe mantailaina!

1 Coríntolachi 12:26

Man partete padeseinanari, pucalete jera padeseinachunae. O manca parteca se tilatinari, pucalete pansi jochunae.

Efesolachi 2:1

Nulari jutsa quiminla joto, tenca puyaca cuwenta jominlanue.

Efesolachi 5:14

Diosichi Pilabi junca pila chuteca joe. Itsanque chuteca joe: Catson tsominla, mansonhilaide! Puyaca jotonan, mansonhilaide! Junni Cristo nulachi tencaca tsen suwachunaeque chuteca joe.

Colósalachi 2:13

Junsi Diosiri nulaca Crístobe mansoncarinue. Nulari Diosichi tsachila itoto, jutsa quiminla joto, tenca puyaca cuwenta jominlanue. Diosi mantimini jutsaca piyarito, nulachi tencaca mansoncarinue.

1 Timotéochi 5:6

Junni weyan biudalari yalachi tenca munateri pansi nenachi timinla jochunae. Yala mantimini son jotonan, tenca puyaca cuwenta jolajochunae.

Judas 1:12

¿Nula Jesucrístochi tsachila tala layaito, beco beco laquiracaato ano pefiminla joco? Junni ya seitonque micariminlari nulabe pelayainiito, jelenquira quiminla joe. Lu tituto, duque fin, cuchin, quiniquiminla joe. Tencachique munaranuncasiri tennaminla joe. Lu tintsan quiranla joe. Suwa poyo suwa quituto wube poleniitori, epe poyo jomin jochunae. Fu tobi jun tsan poyoca duque seitoe latichunae. Junni ya seitonque micariminlari jun cuwenta jolajoe. O jana puca imin chide pele puca ino mate itutori, epe chide pele jochunae. Numa jequeica cuwenta jochunae. Junsi bujitori, tsa jequeica jochunae. Junni yalari jun cuwentanan jolajoe.

Quirajanunca 3:1

Junni labe cuenta quinamin tsachi manpato itsantie: —Diosichi sieteca Tencaca tan joyoe. Junsi sieteca tsaboca tayoe. Junni Sárdibi chumin bolonchi anjelichi erechun lachi fiquica itsanque pila chutede! tie: Nula niyan quilaquinanunca mirayoe. Nulaca miito, lachi Diosichi cale seque nenatuminla joeque jera mirayoe. Laca manpurato, puyacala cuwenta manhicala joe. Jeralelanan nulachi tenca casonnan jolajoe tinasanan, te, puyacala cuwenta jolajoe. Junni mansonhilaide! Casale meráto quereinun fiquica mantenhilaide! Jun sen fiquica telaquepotuto, seiton quinanuncari telaquepoto, aman sonba tenca manhilaina! Tenca puyachinatonan, tsa puyacala cuwenta patsa caitolajoe. Mansonhica cuwenta nenalaratunari, nulachica tarinminla cuwenta janae. Numasi tarinminla jano jonunca natiya miituntsan jochunae. Jun cuwenta lanan nula miitosanan nulachica janae.