San Lucas 13:23 - Diosichi Pila

²³ Junni tsachi manca yabe itsanque panhanue: —Miya, ¿se larica junlari narin jolajochunan? tinue. Junni Jesús yaca meráto, itsantinue:

San Lucas 13:23 ပူးပေါင်းရင်းမြစ်များ

San Mateo 19:25

Junni Jesube penenaminla ya fiquica meráto, wepanato itsanlatiyoe: —Oco tsachilatiya wino podeitulajonari, monantiya se lono podeitulajochunae tilatiyoe.

San Mateo 20:16

Jesús tsanque to tsacuminca cuenta quetobi, tsachilabe itsantie: —Diosi jun tsanquenan jochunae tie. Duque tsachilaca yabe cayaisa tichunae. Tsan josanan narin tsachila yabe wentaito tsa cayaiminla jochunae tie. Weyanla amana fela jotonan, jun mate epe tsachila manjolajochunae. Weyanlari amana epe tsachila jominla jun mate fela jolajochunae tie.

San Mateo 22:14

Junni Diosi mantananun bolon tsachila jun fiesta quirabi jaca junla cuwenta jolajochunae. Diosi duque tsachilaca yabe cayaisa timin joe tie. Tsannan narin tsachila yabe wentaito tsa cayaiminlae tie.

San Lucas 13:22

Junni Jesús Jerusalenca jinaminnan, pueblolabi micaride nenaminue.

San Lucas 13:24

—Diosichibi wino tamolan na foro tamolan joe tinue. Junbi wino tenfelaide! tinue. La nulabe tsarasica pachinayoe: Manca mate la, tsacumin joto, jun tamolanca doqueyanae tinue. Junni jun mate duque tsachila wichi tinatonan, podeilaituchunae tinue. Aman nulari urachi puraito otito, Miya, chiquilacanan pocade! latichunae tinue. Junni la, Miya joto, nulaca quiratumanyoe tiyanae tinue. Nunchi nechi jacala jonunca miitoyoe tiyanae tinue.