San Lucas 10:37 - Diosichi Pila

³⁷ Junni mantaca miramin tsachiri Jesuchi fiquica jera meráto, itsantinue: —Yaca laquiramin tsachiri yabe quiranun jun cuwenta patichunae tinue. Junni Jesunan itsantinue: —Junni aman nunan jun tsannan jona! tinue.

San Lucas 10:37 ပူးပေါင်းရင်းမြစ်များ

San Mateo 20:28

La patsa tsachi ica jun joto, peyunlaca mantaquebi jatucayoe. Lanan peyun cuwenta nenabi jacayoe tie. Duque tsachilachi tenchi puyabi jacayoe tie yape casticailaitusa.

San Mateo 23:23

Junni Jesús israelita mantaminlabe cacuenta quinato itsantie: —Nula mantaca micariminlabe fariséolabe fe sen jolajoyoe titonan duque padeseilaichunae tie. Diosichi mantaca obedeseiminlayoe tito, ti tanuncatiya Diosichi nasi cuwaminlae. Chunca ticatiya cato, Diosichi manca cuwaminlae tie. Danun tape nacá jerale, menta, eneldo, comino, ticatiya nasi nasi cuwaniquiminla joe Diosichi mantá joe tito. Junni nulari jun mantaca meráminla jotonan, Diosichi fe merántsan mantaca natiya tennatuminlae tie. Encanalaquituna! tinunca, laquiralarana! tinunca, uyanlabe sen jolajona! tinunca, nulari natiya tennatuminlae tie. Diosichi weyan mantaca telatuminnan, jun fécari merántsan mantaca meráno jominlanue.

San Lucas 10:36

Aman Jesús ya cuentaca polaritobi, itsanque panhanue: —Aman pemanca tsachila ya tarinca jun tsominca quiralaquichunae tinue. Junni aman yala tala ¿mo quiranun jun cuwenta patichunan? tinue.

San Lucas 10:38

Junni Jesula jilainaminnan, pueblo máncabi wilainue. Junni junbi sona manca chuminue Marta mumun. Yari Jesúlaca facaricanue.

2 Coríntolachi 8:9

Chiquilachi Miya Jesucrístori duque laquiramin joeque nulari jera miralaranae. Yari jerale ticatiya tsacumin jotonan, popere inue yape chiquilanan poperela jomin jotonan, yachi tenchiri titiya jera munaranuncatiya talarasa.

Efesolachi 5:2

Cristo chiquilaca laquiramin joto, tencachiquenan Diosichi cuwapoito puyanue chiquilachi jutsa tenchi. Tsanque cuwapoito, Diosichi tsara uraran pubanca epe cuwaca cuwenta jominue. Junni Crístonan nulaca laquiramin jonun tenchi nula talanan laquiracaato nenalarana!

1 Pédrochi 2:21

Diosiri nulaca tsanque mantanae yape padeseinanunca wantailaisa. Crístori nulachi tenchi padeseie. Junni junca tenca cato, ya cuwentanan nenanola joe.