San Lucas 10:33 - Diosichi Pila

³³ Junsi nanni ina Samaria to tsachi jun minusenan janachunae. Junni yari uyan to tsachi jotonan, fudan tsominca quirato laquirachunae tinue.

San Lucas 10:33 ပူးပေါင်းရင်းမြစ်များ

San Mateo 10:5

Jesús chiquila chunca palucaca yachi mantate erechinato itsantie: —Israelita itonlachica jitulajona! tie. Samaria to pueblobinan witulajona! tie.

San Mateo 18:33

Junni la nuca laquirato perdonaica josa, nunan manca peyuncaman perdonaino jominue tichunae la cuwenta laquirato.

San Lucas 10:32

Junsi nanni ina manca israelita jun minusenan janachunae. Yari patelelaca ayudaimin lebita tinun tsachi jochunae tinue. Junni yari jun fudan tsominca quiratonan, yanan tiwinle poleto jiniichunae tinue.

San Lucas 10:34

Junni yaca laquirato, quelo féto, ya fudanca janpechunae tinue. Aseitebe binobe poto, tsanpachi lapichunae. Junni fudanca janpeto, yachi burobi chuteto, pensionca tanjito cuidaichunae tinue.

San Lucas 7:13

Junni Miya Jesuri yaca quirato, laqui tito, waretude! tinue.

San Juan 4:9

Junni ya sonari Jesús tsanticaca meráto wepananue. Israelítalari Samárialaca pa jolajominue. Junni ya Samaria to sonari wepanato meráto itsantinue: —¿Nuri israelita joto, niyaito Samaria to sonabe pi panhanayun? tinue.

San Juan 8:48

Junni Jesús tsantinaminca meráto, israelítala yabe itsanlatie: —Yucanchi oco nuchibi wica joto, ti quiran Samaria to tsachila cuwenta seiton suwaca joe latie.