San Lucas 1:76 - Diosichi Pila

⁷⁶ Junni nachi apa jeralelabe tsantitobi, aman nabeman itsantinue: Nuca jamochi chuminchi mantate pamin joeque palaquichunae tinue. Nu Miyaca caquenan jito, yachi tenchiri tsachilaca manseisa carichunae tinue.

San Lucas 1:76 ပူးပေါင်းရင်းမြစ်များ

San Mateo 14:5

Aman tsachila mantimini Juanca se tito, yaca Diosichi mantate pamin joe tinaminlanue. Junnan Heróderi Juanca totechi tinatonan, casale yaca catoteca itominue.

San Mateo 21:26

Junsi Juan Diosichi mantá itominue latinari, epe tsachila chiquilaca pailaichunae latin tie. Yalari Juanca pato, Diosichi mantate pamin jominhe timinlae. Junni yalaca jelechi Juanca Diosichi mantate patumin jominhe tituntsan joe tilatin tie.

San Mateo 3:11

Junni Juan tsantitobi, aman tsachilabe itsantinue: —Nula jutsa quinunca telaquepoto casan tala tenca mancaminlaca la mumunmin joyoe tinue. Juntonan lari pibiri mumunnayoe. Junni laca benechi manca tsachi jachunae. Laca fécari mantá tan jochunae tinue. Yari tsaracari sen jonan, lari yachi sapatocari leyanto tanjito cuwanotiya sen itoyoe tinue seri sen jotonan. Yari wari pibiri mumuntumin jochunae. Yari Diosichi Tencachi mumunmin jochunae tinue ninchi casimin cuwenta.

San Marcos 11:32

Junsi tsachilachi mantateri jominuequenan patuntsan joe latinue. Tsachilaca jelechi tsanque patuntsan joe latinue. Aman jerale epe tsachilari Juanca pato, tsa Diosichi mantate pamin jominhe timin jominlanue. Junto ya tsachilaca jelechi Juan Diosichi mantate patumin jominue tino jeleraminlanue. Junni mantaminlari tsanque tenpatobi,

San Lucas 1:32

Ya na uwaitobi, duque mantá tan tsachi uwaichunae. Ya náca jamochi chumin Diosichi Nao tinun jochunae tinue. Miya Diosi yachi mantá cuwachunae matu to miya Davichi cuwenta. David yachi matu tata joto, israelítalaca mantamin jominue.

San Lucas 1:35

Junni anjeli manpato itsantinue: —Diosichi Tenca nuchica jachunae tinue. Diosi fécari mantá tan joto, nuca poyochi cuwenta dochunae tinue. Junnan ya sen náca Diosichi Nao tinun jochunae tinue.

San Lucas 6:35

Nulari uyan quiraque nenanola joe. Nulaca paiminlacanan laquiralarana! tinue. Seque quilaquina! Faricarilaquina! Mancatuchun tenca faricarilaquina! tinue. Diosi jun tsannan quimin joe. Aman acradeseituminlabenan, isapunlabenan Diosi tsanquenan sen joe. Junni nula ticatiya tsanquito nenatori, jamochi chumin Diosichi nalala jolajochunae tinue. Ticatiya tsanquito nenanari, Diosi nulachi tsaracari senca cuwachunae tinue.

San Juan 1:23

Junni Juanni itsantie: —Matu to Isaías Diosichi mantate pila chuteto, laca panue. Niyanlanantiya chutunun postote tsachi manca sonba pato payimin jochunaeque chuteca joe tie. Miya jano jonun tenchi jera manseilainade! tichunaeque chuteca joe tie. Junni lari ya tsachi joyoe tie.

San Juan 3:28

Nula lachi fiquica meracalae Cristo itoyoe tinunca. ¿Cristo itoto yaca caquenan jamin joyoe tituan? tinue.

Mantá Tanla 16:17

Junni ya sonari chiquilaca bene tanjanato, sonba pato itsantinaminhe: —Inlari tsaracari sen Diosichi mantate paminla joe tinaminhe. Nulaca Diosi se larinun minuca micariminla joe tinaminhe.