San Juan 9:29 - Diosichi Pila

²⁹ Diosi matu to Moisebe paca junca miralarayoe tilatinue. Jun tsachicari natiya miitolajoyoe latinue tichi mantate jaca jonunca.

San Juan 9:29 ပူးပေါင်းရင်းမြစ်များ

San Mateo 12:24

Fariséola mantimini yalachi fiquica meráto, palapochique Jesuca itsanlatie: —Jesús tenca mánta yucanchi ocolaca natiya mansularitumin joe latie. Beelzebú tinunchi mantateri yucanchi ocolaca mansularino podeimin joe latie. (Yalachi miteri yucanca Beelzebú tinun jominue.)

San Mateo 26:61

Jesuca itsanlatinue: —In tsachi Diosichi yaca araleno podeinoyoe tie latinue. Araleto, peman mate jera manquino podeinoyoe tie tilatinue.

San Lucas 23:2

Junni Jesuca culpa quechiqueri itsanlatinue: —In tsachiri jerale israelítalaca seiton suwanae tilatinue. Nulachi miyaca merátuto, nin inpuesto calaca cuwatusa timin joe. Aman nulachi miyaca merátuto, yanan Cristo tinun miya joyoe timin joe latinue.

San Juan 1:17

Jana Moisés matu mate Diosichi mantaca micarinatonan, Diosi tsaracari laquiraequeri patunue. Jesucrístori junca pae. Yari tsarasica pamin joto, Diosi laquiraeque pae.

San Juan 7:27

Junni weyanlari pato, te latie. Cristo tinun iton jonhoe latie. Cristo janari, monantiya miitolajochunae nunchi nechi jaca jonunca. Inca wari nunchi nechi jaca jonunca miralarayoe latie.

San Juan 7:28

Junni Jesús yalaca meráto, sonba pato itsantie: —¿Laca mirayoe tilatinayun? tie. ¿La nunchi nechi jaca jonunca mirayoe tilatinayun? tie. Juntonan lari tencachique mantate jatiyoe. Junsi laca ereminni tsarasica pamin joe. Nulari yaca miitolajoe tie.

San Juan 8:14

Junni Jesuri beconan itsantie: —Lari nunchi nechi jaca jonunca mirayoe. Nunchi manjino jonuncanan mirayoe tie. Jun tenchi tencachique fe joyoe tinatonan, quereintsan fiquica pánayoe tie. Nulari natiya miitolajoe la nunchi nechi jaca jonunca, o nunchi manjino jonuncanan.

San Juan 9:16

Junni weyan fariséolari itsanlatinue: —Nuca manse suwamin tsachi Diosichi tsachi itoe latie. Diosichi tsachi jomanpari, jasaino mate manse suwano itomin jonhoe latinue. Uyanla mantimini itsanlatinue: —Jutsa quimin tsachi jotori, ¿niyaito tsanque wepanato quirantsancari quino podeichunan? latinue. Tsanque fariséola man tencari itominlanue.

San Juan 9:24

Junni fariséolari manquirano podeica junca manan jasa carilaquinue. Manjasa carito, itsanlatinue: —Diosichi cale seque pade! Chiquilari ya Jesuca miralarayoe latinue jutsa quimin tsachi joeque.

San Juan 9:30

Junni manquirano podeica jun tsachiri itsantinue: —¿Nula pánanunca wepanantsan fiqui jotun? tinue. Tichi mantate jaca jonuncari miratusanan, laca manse suwae tinue yape manquirano podeisa.

Mantá Tanla 22:22

Junni israelítala jun fecáriri Pábloca meralaquinue. Junni israelita itonla tinunca merasi, Pábloca duque paito, sonba otilatinue. Yaca totede! Puyano joe latinue.

Mantá Tanla 26:22

Tsan josanan Diosi laca isainue yape totelaquitusa. Junto amanachitiya inte Jesucrístoca cuenta caquito wirurayoe. Jeralelabe, mantá tanlabenan, mantá itonlabenen, jun cuentaca quinayoe tinue. Matu tote Moisebe uyanlabe Diosichi mantate pila chutelaquinue Diosi wenteca Cristo tinun tsachi padeseino jochunaeque. Puyato, ya caquenan mansonhichunae latinue. Tsanque israelítalabe israelita itonlabe Diosica tsarasica miino podeilaichunae latinue. Junni lanan jun tsanquenan manpánayoe tinue Moisela matu tote pilabi chutelaquinunca.

Mantá Tanla 7:35

Junni aman nanni matulenan israelítala Moisebe mantaituchique yaca pato ¿Nuca mo miya cuwenta josa mantá cuwaca jun? tica jominlanue tinue. Junni yalari Moisebe mantaituchi tinasanan, Diosi mantimini Moisés patsacari wenteca jominue yape yalaca mantato se larisa. Tapebi ramin anjeli Diosichi mantate pato, Moiseca tsanquenan mantá cuwaca jominue tinue.

Israelítalachi 1:1

Matu mate Diosi yachi mantate paminlaca erenue yape chiquilachi matu tatalabe cuenta polarilaquisa. Man quiraque man quiraque palaquisa carinue.

Israelítalachi 1:2

Junni amana mate, to jeraino queloinasa, Diosi yachi Naocaman chiquilabe cuenta quisa erenue. Yachi Naocari ticatiya piyanleca tsacumin jono joe tinue. Yachi Apachi mantate yari jeraca quica joe. To, yo, pe, ticatiya quica joe.