San Juan 8:52 - Diosichi Pila

⁵² Jesús jun cuenta quinasa, israelítalari yabe itsanlatie: —Jun fiquibe miilainayoe nuchibi yucanchi oco wica joeque. Matu to Abraham numari puyaca joe. Matu to Diosichi mantate paminlanan numari puyacala joe. Junni yalari nuchi fiquica meráto nenaminla jotori, ¿niyaito puyalainhin? latie.

San Juan 8:52 ပူးပေါင်းရင်းမြစ်များ

San Mateo 11:18

Aman laca paiminlanan jun nalala cuwenta tenca itonla joe tinue. Meralaquede! Mumunmin Juanni sen anoca fituto, bino cuchitumin jominhe tinue. Junni yaca yucanchi oco yachibi wica jonhoe tito paiminla joe tinue.

San Juan 1:19

Junni israelítalari Juanbe panhabi Jerusalenbi nechi jalaie. Patelelabe yalachi lebita tinun ayudaiminlabe jalaie. Yala israelita mantaminla mantaca junla jato, ¿Moyun? tilatie.

San Juan 14:23

Jesunan yabe itsantie: —Laca laquiraminlari la pacaca meralaquichunae tie. Junni lachi Apa Diosi ya tsachilaca laquirachunae tie. Junto Apa Diosibe labe yalachica jato, yalabenan penenalaranae tie.

San Juan 15:20

Nulabe man fiqui numa pacayoe. Mantenhilaide! tie. ¿Peyunla yalachi patronlaca fécari mantá tan itolajochunae tituan? tie. Junni labe seiton jominla nulabenan seitolajochunae tie. La pacaca meráminlari nulacanan meralaquichunae tie.

San Juan 17:6

Junni Apa Diosi, nu weyan weyan tsachilaca labe cayaisa carie. Yalari uyan tsachilale nechi chican loto, labe cayailaie. Junni yalaca micariyoe yape nuca miilaisa. Nuchi tsachila jominlaca labe cayaisa carie. Yalari nuchi fiquica meráto nenalarae tie.

San Juan 7:20

Junni Jesús tsantinan, tsachilari beconan pato, nuchibi yucanchi oco wica jonhoe latie. Monantiya nuca totechi titue latie.

San Juan 8:22

Junni Jesús tsantinunsi, yala tala itsanlatinue: —¿Niyaito Jesús jino jonunca chiquilanan jino podeilaituchunae tin tinan? latie. ¿O tenca mántanan puyachunancan? latie.

San Juan 8:48

Junni Jesús tsantinaminca meráto, israelítala yabe itsanlatie: —Yucanchi oco nuchibi wica joto, ti quiran Samaria to tsachila cuwenta seiton suwaca joe latie.

San Juan 8:51

Junni nulabe tsarasica pachinayoe tie: Lachi fiquica meráminlari numatotiya puyatuto polelaichunae tie.

San Juan 8:55

Nula mantimini lachi Apaca chiquilachi Diosi joe tinatonan, yaca natiya miitolajoe tie. Lari yaca mirayoe. Lari yaca miitoyoe timanpari, nene pun jono jomin joinhie nula cuwenta. Juntonan nene patumin joyoe. Yaca mirato, yachi fiquicanan merámin joyoe tie.

San Juan 9:24

Junni fariséolari manquirano podeica junca manan jasa carilaquinue. Manjasa carito, itsanlatinue: —Diosichi cale seque pade! Chiquilari ya Jesuca miralarayoe latinue jutsa quimin tsachi joeque.

Israelítalachi 11:13

Yala jeralelabe Diosi paca jominue yalachi tenchi duque senca cuwano joyoeque. Junni yalari quereimin jominlanue tsanquichunaeque. Tsan josanan, Diosi yalachi tenchi catsanquitusanan jera puyalainue. Juntonan yalari miraminlanue duque inale tsanquichunaeque. Tsanquino jun ma cafatusanan, tenhilainue inale fachunaeque. Yalari in tote tsachila itolajoyoe latinue. Sonnano fecári in tote moorari chularayoe latinue. Puyatobi, aman chiquilachi tsa toca jinola joyoe latinue.

Israelítalachi 2:9

Jesús mantimini, yanan tsachi ica joto, yari mantamin joe. Yanan tsachi ito, moora nacári anjelilaca nasi pelenan peica jotonan, amanari tsaracari mantá tae. Diosi yachi duque mantá cuwato, yaca tsara sen joe tinue. Jesús padeseito puyaca jonun tenchi, Diosi yachi mantaca cuwanue yape jeralelachi tenchi puyaca jun patisa.