San Juan 8:33 - Diosichi Pila

³³ Junni israelítala mantimini Jesuchi fiquica meráto, yaca paito itsanlatie: —Chiquilari matu to Abrahanchi alicala joto, mobenantiya numanan mantailaitiyoe latie. Junni chiquilaca pato uyanlabe mantailaituchunae tituntsan joe tilatie. Mantaitumin jolajoyoe tilatie.

San Juan 8:33 ပူးပေါင်းရင်းမြစ်များ

San Mateo 3:9

Junni nulari matu to Abrahanca tennatuntsan joe. Yari Diosichi tsachi jominue. Junni nulanan yachi alicala jonun tenchi Diosichi tsachila jolajoyoeque tenca calaquichunae. Te, tsanque tenca calaquituna! tinue. Diosi nulaca jera telaquepoto, in sucatiya Abrahanchi alica suwano podeichunae tinue.

San Lucas 3:8

Junni nulachi mumunhino muquilaquinari, casale nulachi jutsaca jera telaquepolaquede! Junsi seque nenalarana! yape nulachi jutsaca tsa telaquepocala joeque quereintsan josa. Junni nulari matu to Abrahanchi alicalayoe; junto Diosichi tsachilayoeque tenca calaquituna! tinue. Diosi nulaca jera telaquepoto, in sucatiya Abrahanchi alica suwano podeichunae tinue.

San Juan 19:25

Junni tsan josanan sonalari corosi wiruranun posto quelote raminlae. Jesuchi ayan, Jesuchi ayanchi miyan, María Magdalena, Cleopachi sona, yala junte peraminlae. Aman ya Cleopachi sonanan María tinun jominhe.

San Juan 8:37

Nulari matu to Abrahanchi alicala jolajoeque mirayoe. Tsanla jotonan, laca totechi latinae. Lachi fiquica merátuchi tito, totechi latinae tie.

San Juan 8:39

Junni yalari Jesuchi fiquica tsanque meráto, Chiquilachi apala sen israelítala jolajoe latie. Matu to Abrahanchi alicala jolajoyoe tilatie. Junni Jesunan itsantie: —Nula Abrahanchi alicala jotonan, ya cuwenta nenatuminlae tie.

San Juan 8:43

¿Niyaito la pacaca entendeilaitiyun? Aman lachi fiquica munaratulajoto, laca entendeilaitue.

Románolachi 9:7

Aman israelítalachi fécari matu to tataca, Abraham tinunca, tenca calaquede! Diosi yaca wenteto, yachi alicalacanan wenteno joyoe tinue yape Diosichi tsachila jolajosa. Junni yachi alicalaca wenteno jotonan, jeralelaca wentetunue. Diosi Abrahanbe pato itsantinue: Watate nuchi sonari, Sara tinun, unila na quichunae tinue. La mantánan na quichunae tinue. Junni ya náca Isaac tinun jominue. Junni Diosi Abrahanchi jerale alicalaca wentetuto, Isaachi alicalacasiri wenteno joyoe tinue. Diosiri “alicala” tito, jerale alicalaca tsantitunue. Ya patsa tsantinunlacasiri “alica” tinun joe.