San Juan 7:36 - Diosichi Pila

³⁶ Yaca neyato felaituchunae tito ¿niyanhichunni tsantin tinancan? O ya jinun posto chiquilari feno podeilaituchunae tito, ¿niyanhichunni tsantin tinancan? tilatie.

San Juan 7:36 ပူးပေါင်းရင်းမြစ်များ

San Juan 12:34

Junni ya fiquica meráminlari itsanlatie: —Diosichi Pilabi Cristo tinunca pato, ya numatotiya sonnato polechunaeque chuteca joe latie. Nu Jesús mantimini tsachi ica jun joyoe tito, corosibi totaino joyoe tie latie. ¿Junni tsachi ica jun, yanan Cristo jotun? latie.

San Juan 13:33

Junni nalalabe cuwenta nulabe pachinayoe. Nulabe nasiri canenano joyoe tie. Matuleri la israelítalabe pato, itsanticayoe: La jinanunca nula jano podeilaituchunae ticayoe tie. Junni amana nulabenan jun tsannan tichinayoe tie. Nula la jinanunca pejino munaratonan, podeilaituchunae tie.

San Juan 3:4

Junni Nicodemo itsantinue: —Unica jotori, ¿niyaito na manhino podeicaichunan? tinue. Ayanchi pecolobi manwito na manhino podeituntsan joe tinue.

San Juan 3:9

Junni Nicodémori Jesuchi fiquica meráto, ¿Niyaito tsanhino junhun? tinue.

San Juan 6:41

Junni Jesús tsantica josa, israelítala paito cuenta quilaquee Diosichibi nechi pataca jun finun cuwenta joyoe tinun tenchi.

San Juan 6:52

Junni Jesús tsantinunsile, israelítala tala tenpato itsanlatie: —¿In tsachi niyaito yachi pucaca chiquilachi cufichunan? latie.

San Juan 6:60

Junni Jesús tsanque micarinasa, duque yabe penenaminlari jun fiquica meráto, yala tala nosa cuenta quito itsanlatinue: —Jun fiquica meráno duque tenfe jochunae latinue. Niyanlanantiya yaca meráno podeilaituchunae tilatinue.

San Juan 7:34

Laca neyanatonan, felaituchunae tie. La jinun postoca nula jano podeilaituchunae tie.

San Juan 8:21

Junni aman Jesuri ya israelítalabe manan cuenta quito itsantie: —La manjino joyoe tie. Junni nulari laca neyato, fetuto, jutsaca tannan puyalaichunae tie.

1 Coríntolachi 2:14

Diosichi Pilabi itsanque junca pila chuteca joe: Monantiya Miya Diosi tenca cananunca miino podeilaituchunaeque chuteca joe. Monantiya yaca micarino podeilaituchunaeque chuteca joe. Diosichi Tencabe penenatuminlari Diosichi Tencachi cosalacanan se entendeituminla joe. Epe joe timinla joe. Diosichi Tenca sonba suwanasasiri, junca miintsan joe. Junni yalari podeitulajoe. Chiquila mantimini Crístochi Tencaca talarayoe. Yachi Tencaca tanlari jera miimin jolajoyoe. Uyanla mantimini Diosichi Tencaca itoto, chiquilaca miino podeitulajoe.