San Juan 7:28 - Diosichi Pila

²⁸ Junni Jesús yalaca meráto, sonba pato itsantie: —¿Laca mirayoe tilatinayun? tie. ¿La nunchi nechi jaca jonunca mirayoe tilatinayun? tie. Juntonan lari tencachique mantate jatiyoe. Junsi laca ereminni tsarasica pamin joe. Nulari yaca miitolajoe tie.

San Juan 7:28 ပူးပေါင်းရင်းမြစ်များ

San Mateo 11:27

Junni Jesuri yachi Apa Diosibe tsantitobi, tsachilabe itsantinue: —Lachi Apa Diosiri lachi jera cuwaca joe. Yasiri laca tsa mirae tinue. Junsi lasiri yachi Nao joto Apa Diosica tsa mirayoe tinue. Junto uyanlari la entendeisa caritunari, Diosica miino podeilaituchunae tinue.

San Mateo 2:23

Nasaret tinun pueblobi. Aman matu tote Diosichi mantate pamin tsachiri Jesuca pila chuteto, yaca nasareno tinun jochunaeque pila chutenue. Junni Josélari Nasarebi chusanan jun tsanquenan patinue; Jesuca nasareno tinun jominue.

San Mateo 26:55

Junni Jesús yachi tsachilabe tsantisi, yaca cabi jaminlabe itsantie: —¿Ti quichun laca espada tanla, chide tanla tarinminca cuwenta cabi jalainayun? tie. Diosichi yabi ma cura micarito chumanyoe. ¿Niya jonan junbinan laca calaquitiyun? tie.

San Lucas 10:22

Jesús yachi Apa Diosibe tsantitobi, tsachilabe itsantinue: —Lachi Apa Diosiri lachi jera cuwaca joe. Yasiri laca tsa mirae tinue. Junsi yachi Nao joto, lasiri Apa Diosica tsa mirayoe. Junto uyanlari, la entendeisa caritunari, Diosica miino podeilaituchunae tinue.

San Lucas 2:11

Amana Davichi pueblobi na manca nainue. Ya na nulaca se larimin jochunae. Diosi wenteca jun CRISTO tinun Miya joe tinue.

San Lucas 2:39

Junni Miya Diosi mantacaca jera quetobi, Jesula Galilea toca manjilainue. Yalachi puebloca manjilainue Nasaret tinun puebloca.

San Lucas 2:4

Junni Joseri matu to miya Davichi alica joto, Nasaret pueblobi nechi loto, Galilea tobi nechi loto, Davichi puebloca jinue Judea tobi. Ya pueblo Belén tinun jominue.

San Lucas 2:51

Junni Jesús yalabe Nasaret puebloca manpatilainue. Junni Jesuri yalabe merán pun na jominue. Yachi ayan mantimini Jesús pacaca pansitunue; tencabi mantenhimin jominue.

San Juan 1:46

Junni Nataniéliri Felípeca meráto, ¿Nasarela sen jolajochinan? tinue. Felipe mantimini quirabi janiide! tinue.

San Juan 12:49

Lari in fiquica tencachique mantate pátiyoe tie. Lachi Apa Diosi laca ereto, ya tsanque mantanae.

San Juan 14:10

Labe Apa Diosibenan man junni jolajoyoe tie. ¿La paca fiquica quereiyun? tie. Nulabe cuenta quinato, tencachique mantate patumin joyoe. Lachi Apa Diosi lachi puca cuwentanan joto, tsanquimiyanae tie.

San Juan 14:31

La niyanhinatotiya yucanchi mantate natiya tsanhituanae tie; Apa Diosichi mantaca meráto tsanhiyanae tie. Apa Diosica merámin joto, tsanhiyanae tie yape Diosica tennatuminla miilaisa la Apa Diosica laquiraeque. Jesuri tsanque pato, junto aman cupalaide! Jilaisa! tie.

San Juan 16:3

Laca tennatuto, lachi Apa Diosicanan tennatuto, tsanlaquichunae tie.

San Juan 17:25

Sen Apa Diosi, uyanla nuca miitucala joe. La nuca tsarasica mirayoe. Lachi tsachilanan miralarae; la nu ereca jun jaca joeque miralarae tie.

San Juan 17:3

Nusiri tsa Diosi joe; lari Jesucristo nu ereca jun joyoe. Junni chiquilaca miraminla, yalari numatotiya sonnato polelaichunae tie.

San Juan 3:2

Yari Jesúchica quepen nosa jato, yaca respetaito pato, Rabí tito itsantinue: —Nuri duque seque wepanato quirantsancari quinae tinue. Junto miralarayoe tinue Diosi ereca jun joto micarimin joeque. Diosi ereca itomanpari, tsanquino podeino itomin jonhoe tinue.

San Juan 3:33

Yaca meráminlari Diosi tsarasica pamin joe tilatichunae.

San Juan 5:32

La tencachique paca fiquica meráno munaralaratuchunae. Junni lachi fiquica meráno muquilaquitunari, mancachi fiquica meráto, laca miilaide! mo jonunca. Yanan laca jun tsanquenan pachunae Diosi ereca jaca joeque. Yachi fiquica ura mirayoe tie laca tsarasica pamin joeque.

San Juan 5:43

Jun tenchi la lachi Apa Diosichi mantateri jaca jominca nulari tennatulajoe tie. Uyan tsachilari tencachique mantateri janari, yalaca tennalarachunae tie.

San Juan 6:42

¿Inni Jesuri jotun? latie. ¿Yachi apa Joseri tinun jotun? latie. Yachi apabe ayanbeca quiraminlayoe. ¿Aman niyaito Diosichibi nechi patacayoe tin tinan? tilatie.

San Juan 7:14

Junni ya fiesta quitsa quinasale, Jesuri jato, Diosichi yabi wito micarie.

San Juan 8:14

Junni Jesuri beconan itsantie: —Lari nunchi nechi jaca jonunca mirayoe. Nunchi manjino jonuncanan mirayoe tie. Jun tenchi tencachique fe joyoe tinatonan, quereintsan fiquica pánayoe tie. Nulari natiya miitolajoe la nunchi nechi jaca jonunca, o nunchi manjino jonuncanan.

San Juan 8:16

Tsanni culpa quitutonan, tsachilaca miimin joyoe culpa talaranunca. Junto la tsachilaca culpa tanunca miitonan, tenca mántari miitiyoe tie. Lachi Apari laca erecae. Junni lachi Apabe labe paluito miiminlayoe. Junto lari tsachilaca miito, tsarasica miimin joyoe tie.

San Juan 8:19

Junni fariséolari Jesube manpanhato itsanlatie: —¿Nuchi apa tile chun? latie. Jesunan itsantie: —Lacanan, lachi Apacanan nula miitolajoe. Laca miralaramanpari, lachi Apacanan miica jono jominla jonhoe tie.

San Juan 8:26

Junni lari nulacanan duque pano podeino joinhie tie nula niyan tsachila jolajonunca. Tsan jotonan yaca pátiyoe; laca ereminchi fiquicari pamin joyoe. Yachi fiquica meráto, jun fiquicari tsachilabe manpolarimin joyoe tie. Yari tsarasica pamin joe tie.

San Juan 8:42

Jesús mantimini itsantie: —Lari Diosichi joto, Diosichibi nechi jacayoe. Tenca mánta jatiyoe; Diosi ereca jun jacayoe tie. Junni nulanan Diosichi tsachila jomanpari, laca laquirano jominla jonhoe tie.

San Juan 9:29

Diosi matu to Moisebe paca junca miralarayoe tilatinue. Jun tsachicari natiya miitolajoyoe latinue tichi mantate jaca jonunca.

Mantá Tanla 17:23

nenato, diosi tinun moldeca quirade nenamanyoe. Junni manca ya nacábi pila itsanque chuteca joe: inte miitonun diosichi cale telenhinun posto joe que chuteca joe tinue. Nulari wari ya Diosica miitotonan yachi cale telenhiminla joe. Aman la mantimini ya Diosica nulabe jera pachinayoe.

Románolachi 1:28

Diosica telaquepochi timinlaca Diosinan telaquepomin joe yape tenca iton joto seiton quinilaquisa.

Románolachi 3:4

Diosi quereinun joe. Jerale tsachila nene punla josatiya, Diosica quereinun joeque pantsan joe. Diosi yachi pilabi junca pato itsanque chuteca joe: Diosi, nu pacaca meráto, nuca sen joe tilatichunaeque chuteca joe. Nuca culpa quechique tenfeminlaca fe lochunaeque chuteca joe. Diosichi Pilabi tsanque chuteca joe.

2 Coríntolachi 1:18

Diosi nene patumin joe. Junni chiquilanan ya cuwenta joto, janhan titori, fiqui canbiyaituminlayoe.

2 Coríntolachi 4:6

Aman Diosi casaleri to quinato, jera nemen jominca Diosi tsen suwanue. Junni aman Diosinan chiquilachi tencabinan tsen suwaca joe yape Diosica tsarasica sen joeque miralarasa. Jesucrístoca tuca miito, Diosica tsaracari sen joeque tenhiminlayoe.

Títochi 1:2

Chiquila numatotiya jamochi sonnato polenola joyoeque quereiminla joyoe. Jun tenchi la Diosi mantaca jun nenayoe. Diosi to caquituminnan panue chiquila numatotiya sonnato polenola joeque. Junni ya nene patumin jonan, ya paca fiquica tsa lono joeque meralarayoe.

Israelítalachi 6:18

Junni yari palu fiqui cuwenta patie. Diosi trato quica fiqui man fiqui joe. Diosinan testico ito meráyoe tica, yanan man fiqui joe. Ya palu fiquica tsachila fe tenhino podeilaichunae Diosi nene patuchunaeque. Junni chiquilachi tenchi ya palu fiqui cuwanue. Chiquilari se lochun Diosibe cayaica jolajoyoe. Junni chiquilari jun fiquibe tsarasica mirano poden jolajoyoe. Son tito mirano poden jolajoyoe chiquilachi tenchi ticatiya sen quichunaeque. Seque queyanae titori tsanquichunae.

1 Juanchi 5:10

Tsan josanan, weyan weyanlari Diosi yachi Naoca pacaca quereituminla joe. Yalari Diosica tsabi catuto, junto yacanan nene pun curaminla joe. Diosichi Naoca quereiminla mantimini Diosichi fiquica tencabi talarachunae.