San Juan 7:17 - Diosichi Pila

¹⁷ Diosichi fiquica meráchi timinlari miralarachunae la Diosichi mantate micarinanunca o tencachique mantate micarinanunca.

San Juan 7:17 ပူးပေါင်းရင်းမြစ်များ

San Mateo 6:22

Jun tenchi calaca, jera ticatiya quiracaca munaito quiratuntsan joe. Meralaquinade! Nulachi caca tseno cuwenta jochunae. Junto cacachi tencabe quiralaquina! tie. Diosica tenca cato laquirato quiralaquitori, seque nenano podeilaichunae seque quiramin cuwenta. Manan cala ticatiya munaito quiranatori, natiya seque nenano podeilaituchunae. Tseno piyacabe nemente nenamin cuwenta jolajochunae duque nemente nenato.

San Lucas 8:15

Weyanlachi tenca mantimini sen to cuwenta jolajochunae tinue. Junni Diosichi fiquica meráto seque tennalarachunae tinue. Diosichi fiquica seque tenca tato seilaichunae tinue peleituto. Jesús ya cuenta tsanque manmicarinue.

San Juan 8:43

¿Niyaito la pacaca entendeilaitiyun? Aman lachi fiquica munaratulajoto, laca entendeilaitue.

San Juan 8:44

Yucan nulachi apa joe. Nula yachi tsachila joto, yachi mantate nenachi timinla joe tie. Casalebi nechi yucan tsachilaca totemin joe. Tsarasica patumin joto, nenesiri pamin joto, tsarasica panunca pa joe. Nene pamin jotonan, nenenan pasa carimin joe tie. Ya nene pánato, yachi mite nenanirae tie.

San Juan 8:47

Jerale Diosichi tsachila Diosichi fiquica meralaquichunae tie. Nulari Diosichi itoto, yachi fiquica merátuminla joe tie.

Mantá Tanla 17:11

Junni Beréabi chumin israelítala Tesalónicabi chuminlaca fe seque tenca camin jominlanue. Pablo micarica fiquica tsaracari meráto, Diosichi Pilaca manquiralaquinue. Ma cura Diosichi Pilabi seque neyato quiralaquinue Pablo tsarasica pánanunca miichun.