San Juan 6:56 - Diosichi Pila

⁵⁶ Junni lachi pucaca fin, lachi asanca cuchin, quiminlari labe sonnalarachunae. Lanan yalachibi sonnanae tie.

San Juan 6:56 ပူးပေါင်းရင်းမြစ်များ

San Juan 14:20

Jun mate nula tsarasica miralarachunae. La Diosibe man junni joeque, nulanan labe man junni jolajoyoeque, lanan nulabe man junni joeque miralarachunae tie.

San Juan 14:23

Jesunan yabe itsantie: —Laca laquiraminlari la pacaca meralaquichunae tie. Junni lachi Apa Diosi ya tsachilaca laquirachunae tie. Junto Apa Diosibe labe yalachica jato, yalabenan penenalaranae tie.

San Juan 6:55

Lachi pucari tsara sen finun jochunae tie. Lachi asanni tsara sen cuchinun jochunae tie.

2 Coríntolachi 6:16

Diosichi yabe, junsi epe diosi joe tinun moldechi yabe jun tsannan itolajoe. Junni chiquilachi tencari Diosichi ya cuwenta jolajoyoe. Diosiri yachi pilabi junca itsanque chutesa carinue: Diosiri tsachilachi tencabi chuno joyoe tinue. Yalachibi nenanae; yalachi Diosi joanae tinue. Yalari lachi tsachila jolajochunae tinue.

Efesolachi 3:17

Nulaca sonban tenca suwasa rocainayoe yape Cristo nulachi tencabi chusa. Yaca tennanari, nulachi tencaca cuidaichunae yape sonban tenca joto, beco beco laquiracaato sonnalarasa.

1 Juanchi 2:24

Matu meraca Diosichi fiquica tenca cato nenalarana! Matu meraca fiquica tenca cato nenaminla jotori, Diosibenan, yachi Naobenan penenaminla jochunae.

1 Juanchi 3:24

Junni jerale Diosichi mantaca meráminla yabe penenalarae. Yanan yalabe penenae. ¿Aman niyaito miintsan jochunan? chiquilabe penenanunca. Yachi Tencaca chiquilachibi ereca joe. Junca tenhito miintsan jochunae.

1 Juanchi 4:12

Monantiya Diosica quiratucala joe. Juntonan beco beco laquiracaalaquinari, Diosi chiquilabe penenachunae. Yari tsarasi laquiramin joto, chiquila tala tsanquenan laquirasa carimin joe.

Quirajanunca 3:20

Meralaquede! Nulachi tencachi tamolante wirurato otinayoe. La otinanunca meráto pocanari, tencabi tamochi wiyanae. Tamochi wito mile chuto, lanan nulabe ano pefilaqueyanae.