San Juan 6:26 - Diosichi Pila

²⁶ Jesuri yalabe beconan pato itsantie: —Nulabe tsarasica pachinayoe tie. La wepanato quirantsancari seque quinaminca quiranun tenchi laca manneyalaquitue. Nulachi duque ano cufiyoe. Junca manfichiqueri laca manneyalaquinae tie.

San Juan 6:26 ပူးပေါင်းရင်းမြစ်များ

San Juan 3:3

Junni Jesunan Nicodémobe itsantinue: —Nube tsarasica pachinayoe tinue. Casanle nechi na manhintsan joe. Casanle nechi na manhitutori, Diosi mantananun tsachi bolonbi numanan wino podeilaituchunae tinue.

San Juan 3:5

Jesuri junca meráto itsantinue: —Nube tsarasica pachinayoe tinue: Pibe Diosichi Tencabenan na mansuwamin joe. Tsanhituminlari Diosi mantananun tsachi bolonbi wino podeilaituchunae tinue.

San Juan 6:14

Tsanque wepanato quirantsancari seque quinanunca quirato, ya tsachilari itsanlatie: —¿Diosiri yachi mantate pamin tsachi mancaca ereno jominuco? ¿Junni inni ya jotun? tilatie.

San Juan 6:15

Aman junca son tito, Jesuca cabi janaminlae. Yalari sonba tito Jesuca miya suwachi tinaminlae. Junni Jesuri junca miito, du minu mancasiri jie.

San Juan 6:2

Junni pi poleto, Jesuri du minu jito yabe yachi tsachilabe chudilaiyoe. Du minu cajituminnan Jesuri duque wepanantsancari quito quiyanpunlaca manse suwanaminhe. Junca manse suwanaminca quirato, duque tsachila yachi beneca jalaie pi man becochi.

San Juan 6:30

Junni ya tsachilari itsanlatie: —Nube cayaisa tenjanari, manan wepanato quirantsancari seque quede! nuca Diosi ereca joeque quereilaichun. ¿Chiquilachi tenchi nu ti senca quito cuwachun? tilatie.

San Juan 6:36

Nula mantimini laca quiranatonan, cayaituchi timinla joe. Junca numa pacayoe.

San Juan 6:47

Nulabe tsarasica pachinayoe tie. Labe cayaiminlachi tencari numatotiya sonnato polelaichunae tie.

San Juan 6:53

Junni Jesuri yalabe itsantie: —Nulabe tsarasica pachinayoe: La tsachi ica jun jonan lachi pucaca fin, lachi asanca cuchin, quitutori, nulachi tenca sonnalaratuchunae tie.

San Juan 6:64

Junni Jesuri miraminue weyanla yabe tsa cayaica itolajonunca. Yala mo jonunca miraminue. Junsi mo yaca cuwapono jonuncanan miraminue. Junca jera mirato, Jesús itsantinue: —Nula weyanlari labe penenatonan, labe cayaitucala joe tie.

Románolachi 16:18

Tsanque micariminla chiquilachi Miya Jesucrístoca merátuto, yalachi tenca munateri nenaminla joe. Otoque sen fiquinan quiranca pato micarito, tenca itonlacari querecariminla joe.

Filípolachi 2:21

Weyanlari yalachi tenca munateri nenato, Crístochi mantate nenatuchi timinla joe.

Filípolachi 3:19

Diosiri yalaca jera casticaquichunae. Diosicari tennatuto, finocari tennaminla joe. Lu tintsan jonunca pánatonan, se joe tito, pansi jonilajoe. Diosichi tobi jomincari natiya tennatuto, in tote jomincasiri tennaminla joe.

1 Timotéochi 6:5

Diosichi tsarasi fiquica miitoto, tenca yucapiyacala joto, pataato nenaminlae. Yala epele tenca cato, itsantiminla joe: Diosi yabe penenaminlabe sen joto yalaca oco suwachunae timinla joe. Tsantiminlachile nechi joqueito, yalabe penenatuna!