San Juan 5:34 - Diosichi Pila

³⁴ Junni la Juanca tsantinatonan, uyanchi fiquichi laca miilaide! titonan, Juanchi fiquica natiya tsantitiyoe. Yachi fiquiri sen fiqui josanan, Juanni tsachiri jominhe. Junni nulaca ayudaichunni Juanca tsanque pánamanyoe tie pansile yachi fiquica tenca cato se lolaichunaeque.

San Juan 5:34 ပူးပေါင်းရင်းမြစ်များ

San Lucas 13:34

Aman tsantisi, Jesús camicarinato itsantinue: —Jerusalén puebloca duque laquiito wepananayoe tinue. Aman Jerusalenbi chuminla, nulari Diosichi mantate paminlaca toteminla joe. Diosi nulachica ereca junlacanan su walaca quito toteminla joe. Jana walpa ayanni náca panpe tenpe pocanun cuwenta lachinan nulaca layano muquiminhe tinue. Aman nulari, te, munaralaratiyoe tilatie tinue.

San Lucas 24:47

Junni la puyato mansonhicabi, piyanle tote tsachilaca jera meracarintsan jochunaeque chuteca joe tinue yalachi jutsaca piyarintsan jochunaeque. Aman jutsa quinunca telaquepoto, casan tala tenca mancalaquinari, yalachi jutsaca piyarichunaeque meracarintsan jochunae tinue. Casale Jerusalenbi, junte nechi piyanle tote, lachi mantate jera tsanque meracarintsan jochunaeque chuteca joe.

San Juan 20:31

Weyancari pila quiyoe yape nula in pilaca quirato Jesuca quereilaisa. Jesús Diosi wenteca Cristo tinun joe. Ya Apa Diosichi Nao joe. Junca quereiminlari yachi mantate yabe numatotiya sonnato polelaiichunae. Junni nulanan junca jera quereilaisa, in pilaca quinayoe.

San Juan 5:32

La tencachique paca fiquica meráno munaralaratuchunae. Junni lachi fiquica meráno muquilaquitunari, mancachi fiquica meráto, laca miilaide! mo jonunca. Yanan laca jun tsanquenan pachunae Diosi ereca jaca joeque. Yachi fiquica ura mirayoe tie laca tsarasica pamin joeque.

San Juan 5:41

Tsan josanan tsachilari laca sen joe timinla josatiya, yaca la tennatiyoe.

San Juan 8:54

Junni Jesuri beconan pato itsantie: —Lari tenca mánta fe joyoe titori, epele pamin jono jomin joinhie tie. Junni lari fe joyoe titiyoe. Lachi Apari laca fe joe timin joe. Junni nula lachi Apaca nulachi Diosi joe timinla joe. Junni Diosi patsa laca pato, fe mantá tan joe timin joe tie.

Románolachi 10:1

Acola, soquila, lachi tencabi israelítalaca duque se lolaisa tenjae. Diosibe rocaimin joyoe yape yalaca se larisa.

Románolachi 10:21

Junto israelítalacari pato, Isaíari itsantinue: Diosi yalaca numasitiya ayudaichi tinasanan, merátuchi timin uyan tenca pun tsachila jolajoe tinutie.

Románolachi 12:21

Seitonla nulaca seiton quicachi fe lochi latichunae. Junca tsanhisa carilaquituna! Nulari seitonlaca duque sen quicachisiri fe lolaina!

Románolachi 3:3

Weyan israelítala mantimini Diosica quereitumin jominlanue. Tsan josanan yala quereitumin josanan, Diosiri quereitunun patitue.

1 Coríntolachi 9:22

Junni cumana tenca tanlachi tenchiri yala cuwenta imin joyoe yalaca Jesucrístobe cayaisa carichun. Jerale tsachilachi tenchi man quiraque man quiraque imin joyoe weyan weyanlaca niya quiraquetiya Jesucrístobe se losa carichun.

1 Timotéochi 4:16

Junni nuchi tencaca duque tennana! Seque micarinocanan duque tennana! Diosichi fiquica micarino natiya peleituna! Peleituto micaritori, nuca meráminlaca se lomiyachunae.

1 Juanchi 5:9

Junni aman jana tsachila paca fiquicanantiya tsarasica jonhoe timinlayoe. Junto Diosi paca fiquicari fécari tsarasica joe tintsan jochunae. Junni Diosi patsanan yachi Naoca paca joe.