San Juan 5:30 - Diosichi Pila

³⁰ Junni Jesús cacuenta quinato itsantie: —Lari tenca mánta natiya quino podeitiyoe tie. Apa Diosica meráto, yachi mantate miimin joyoe tsachila sen jonunca o seiton jonunca. Lachi tenca munateri quitumin joyoe tie. Laca ereminchi tenca munate quimin joyoe tie. Junto tsachilaca miito, seque miimin joyoe tie.

San Juan 5:30 ပူးပေါင်းရင်းမြစ်များ

San Mateo 26:39

Jesús tsantisi nanni jabile jito, tobi mutsabale telenhito, Diosibe itsanque rocainue: —Lachi Apa Diosi, pode jotori la padeseinoca polaride! Tsan josanan lachi tenca munanan tsanhino muquetue. Nuchi tenca munanan quisa tenjae tinue.

San Juan 14:10

Labe Apa Diosibenan man junni jolajoyoe tie. ¿La paca fiquica quereiyun? tie. Nulabe cuenta quinato, tencachique mantate patumin joyoe. Lachi Apa Diosi lachi puca cuwentanan joto, tsanquimiyanae tie.

San Juan 17:4

Junni Apa Diosi, nu laca ticatiya quisa mantaquee. Junni lari jera quito, nuca tsara sen joeque tote quirawoyoe tie.

San Juan 18:11

Jesús mantimini Pédroca espadaca manpode! tie. Apa Diosi laca padeseisa mantaca jonari padeseiniiyanae tie.

San Juan 4:34

Junni Jesuri itsantie: —Ano tito, tsa ano finoca tsantitiyoe tie. Diosi laca erenato mantaca joe tie jera ti quino jonunca. Junni tsanquino labe ano finun cuwenta joe tie.

San Juan 5:19

Tsantin nenalarasanan, Jesús israelita mantaminlabe itsantie: —Nulabe tsarasica pachinayoe tie. Diosichi Nao jotonan, tenca mánta natiya quino podeitiyoe tie. Apa Diosi ticatiya quinanunca quiratori, lari jun tsannan quimin joyoe tie. Apa Diosi tsannan quimin joyoe tie yachi Nao joto.

San Juan 6:38

La Diosichibi nechi patato, lachi tenca munate nenabi patatiyoe tie. Laca ereminbe mantaito nenabi patacayoe tie.

San Juan 8:28

Junni Jesús yalabe manan pato itsantie: —La tsachi ica jun joto erunhito puyano joyoe tie. Laca jamobi eruncaritobi, la ti tsachi jonunca miilaichunae tie. Junni lachi tencachique mantateri tinantiya quitumin joeque, lachi Apa pacacasiri la manpamin joeque, miilaichunae tinue.

San Juan 8:42

Jesús mantimini itsantie: —Lari Diosichi joto, Diosichibi nechi jacayoe. Tenca mánta jatiyoe; Diosi ereca jun jacayoe tie. Junni nulanan Diosichi tsachila jomanpari, laca laquirano jominla jonhoe tie.

San Juan 8:50

Tsanla josanan, la fe jochique tenfetiyoe. Apa Diosi, yari tenfenae laca fe josa carichun. Yari tsachilaca miito quiramin joe senla jonunca o seitonla jonunca.

Románolachi 15:3

Crístonan tsanquenan nenamin jominue. Yachi tenca munate nenatumin jominue. Matu tote Diosichi Pilabi itsanque chutenue: Diosica yucacuraminla labenan seiton jolajoe tinue.

Románolachi 2:2

Diosi mantimini jutsa quiminlaca culpa quinato, tuca miitobi culpa quimin joe.

Románolachi 2:5

Junni Diosica tennatuto, casan tenca mancatutori, junto fécari duque culpa ide ide jinilaichunae to yucapiyarino ma fecári. Diosi jun mate tsachilaca tuca miichunae. Junto jun mate nantari wantaituto, nulaca duque paito casticaquichunae.